Osakidetzak azaldu duenez, Gabrielaren osasun egoerak hobera egin du eta Gurutzetako ospitaleko Zainketa Intentsiboetako Unitatetik gela batera eraman dute. Emakumea Txagorritxun ingresatu zuten hasiera batean, baina ondoren bere alaba zegoen Gurutzetara eraman zuten.
Hasiera batean emakumearen osasun egoerak okerrera egin duela zabaldu du Gabrielaren amak, baina Osakidetzak argitu du gaizkiulertu bat izan dela eta 18 urteko gazteak hobera egin duela.
Gabrielaren alaba, Alicia, herenegun hil zen, amaren bikotekideak leihotik bota ondoren jasan zituen zauriak gainditu ezinda. Ustezko hiltzailea, Daniel Montaño, espetxeratu egin zuten atzo. Amak haurrari sexu abusuak egiten ikusi zuenean borrokan hasi ziren eta orduan bota zuen erasotzaileak umea leihotik.