Etxeratek jakinarazi duenez, Auzitegi Nazional espainolak uko egin dio Gorka Fraile bere bizitokitik gertu dagoen espetxe batera eramateko eskaerari.
Preso durangarrari mingainean minbizia diagnostikatu zioten 2015eko martxoan eta orduan egin zuen kartzelaz aldatzeko eskaera. Espetxeetako Erakundeak eta Espetxe Zaintzako Auzitegiak uko egin zioten, eta orain presoaren abokatuek aurkeztutako apelazio helegitea ere baztertu egin du Auzitegi Nazionalak.
Etxeratek azaldu duenez, osasun asistentziari dagokionean, Badajozeko ospitalean egindako ebakuntza eta programatutako errebisioak aipatzen ditu Auzitegiak bere osasun eskubidea urratua ez dela argudiatzeko.
Ebakuntza egin ziotenean Frailek poliziengandik jasan zuen tratua salatu zuten haren senideek, eta berriki ere, Badajozeko ospitaleko langileek durangarrari eman zioten tratu «iraingarria» salatu zuen familiak.
Epaile baten desadostasuna
Auzitegiaren erabakiak boto partikularra du, Saez Valcarcel epailearena. Etxeratek azaldu duenez, Frailek eskubideak dituela dio epaileak eta kartzela zigorra bere bizilekutik hurbil den espetxe batean betetzeko eskubidea eta urrunketaren oinarri legalik eza aipatzen ditu bere boto partikularrean, gainontzeko epaileekin desadostasunean.
Kaleko saltzaileen aurkako polizia-operazioa Bilboko Areatzan, Aste Nagusiaren atarian
Konexioa ezarri dute Lur-1ekin, orbitan jarri duten «lehen euskal satelitearekin»
La Policía Municipal de Bilbo retira pancartas y banderas palestinas; al menos 4 identificados
Itziar Ituño inaugura la fiesta apelando al alma del Bilbo abierto, solidario y libre
