Bilboko Udalak gazteentzako etxebizitzak alokairuan jarriko dituela iragarri du ohar batean. «Gazteentzako Emantzipazio Programa» 35 urtetik beherako pertsonentzat da, 15.000 eurotik gorako diru sarrerak eduki behar dira eta alokairuko etxebizitzak eskaintzen dira Otxarkoagan, hileko 175 euroko errentaren truke eta hiru urteko kontratu berriztagarriarekin. 

Programa horretara modu telematikoan baino ezin da sartu eta Bilboko Udal Etxebizitzak erakundeak aplikazio bat garatu du horretarako. 

Aplikazioa prest egongo da Udal Etxebizitzak erakundearen web orrialdean.