Hego Euskal Herrian LOMCE, Heziberri eta hezkuntzako murrizketen aurkako protesta eguna izan da, Estatu mailako deiarekin bat eginez greba egin baitute CCOO eta UGT sindikatuek.

Ehige gurasoen elkarteak, Herrikoak, Eraldatuk, Ikasle Ekintzak eta ikasleen sindikatuak ere bat egin dute deialdiarekin.

CCOO eta UGTren arabera, grebak %25eko jarraipena izan du Bizkaia, Gipuzkoa eta Araban. Nafarrori buruzko daturik ez dute jakinarazi.

Lanuzteaz gain, Bilbo, Iruñea, Gasteiz eta Donostian manifestazioak egin dituzte.

Gaurko deialdiaz aparte, hilaren 23rako greba deitu du ikasle mugimenduak, ‘Sistemari aurre egin!’ lelopean. Ikasle Abertzaleak erakundeak babesa adierazi dio hitzordu honi.