Ricardo Barkala, Bilboko Udalaren Obra, Zerbitzu, Hiri Eraberritze eta Espazio Publikoaren Saileko zinegotzia, eta Gotzone Zaldunbide, Bilboko Udalaren Herritarren Arreta, Partaidetza eta Barrutien Saileko zinegotzia, hedabideen aurrean azaldu dira Abando-Indautxu barrutiko Udaltegia handitzeko proiektuaren berri emateko.
Azpiegitura berri eta modernoa egitea da asmoa. Eraikinak duen fatxada mantendu egingo du proiektuak, baita erdigunean dagoen beira ere.
Eraikin berria «modernoagoa, funtzionalagoa, efizienteagoa eta irisgarriagoa» izango da. Kristalezko fatxada izango du, beira praktikagarrizko plakaz egindakoa.
Bilbo osoarentzako eta barrutiarentzako ekipamendu berezia egin nahi du Udalak. Orain dagoen eraikinaren bolumena hustu eta horren gainean eraikiko dute berria eta orain arteko azalera erabilgarriaren bikoitza izango ditu.
Obrak egin bitartean Barrainkuako zerbitzu guztiak Elcano kaleko 20 eta 22ko beheko solairuko lokal batean egongo dira.
Udaltegiaren eraikina 1898koa da eta garbitegia izateko diseinatu zuten. Hortik dator, diseinuaz gain, beiratean uraren aipamena egitea.
Cien años del primer muerto en el recorrido del encierro y algo de porno
Casi todos los incidentes imaginables se suceden en un encierro de la villavesa lento e irreal
Dos bestazales violentamente atacadas por defender a un hombre de una agresión
‘Belak mastara eta euskara plazara’ aldarriarekin ospatuko dute Donostiako Piratek Aste Nagusia
