Kataluniako egoera berri nagusia da gaurko egunkariko azaletan Europako egunkari nagusienetan.
Estatu frantsesean ‘Libération’ egunkariko azala da, ohi bezala, ikusgarrienetakoa. Kataluniak «jauzi handia» eman duela nabarmentzen du. Hizki txikiagotan, Kataluniako Parlamentuak independentzia aldarrikatu eta berehala Madrilek autonomia bertan behera utzi zuela adierazten du. Madrilen erabakia ezegonkortasuna eragin duela nabarmentzen du Pariseko kazeta honek. Ospakizunaren argazkiak portada guztia betetzen du.
Ce week-end à la une de Libé https://t.co/ycjKq42SrV pic.twitter.com/qHp96fihhp
— Libération (@libe) 27 de octubre de 2017
‘Le Figaro’ egunkariak, berriz, Estatu espainolak krisi historiko batera bideratzen dela nabarmendu du Kataluniako egoera aipatzerakoan.
‘La Tribune’ egunkari ekonomikoak Kataluniak independentzia aldarrikatu duela, baina zaintzapean gelditu dela adierazi du.
‘L'Independent’ kazetak, Ipar Katalunian ere hedatzen den komunikabideak, Kataluniak geldialdiarekin amaitu duela eramaten zuen hizki nagusietara.
Voci les unes de nos trois éditions ce samedi 28 octobre #carcasonne #narbonne #Perpignan pic.twitter.com/ZvHoQnCJ6J
— L'Indépendant (@lindependant) 27 de octubre de 2017
Ikusgarria izan da ere ‘Midi Libre’ kazetaren azala. «Katalandarrak!» du titular bezala eta ospakizunaren argazkia hautatu du.
Ingalaterrako egunkari nagusienak ere arreta berezia eskaini diote Kataluniako egoerari, berri nagusia bezala kokatzen dute euren azaletan. ‘The Times’ egunkariak Estatu espainola muturreko egoeran aurkitzen dela nabarmendu du azalean.
‘The Guardian’-ek ere Kataluniak independentzia aldarrikatu izana Espainian krisia eragin duela nabarmendu du.
The Guardian front page, Saturday 28.10.17: Crisis in Spain over Catalonia independence pic.twitter.com/VVpNyNihJQ
— The Guardian (@guardian) 27 de octubre de 2017
‘The Daily Telegraph’ egunkariak ere krisia aipatzen du bere azalean Kataluniako egoera aipatzerakoan, baina Europar Batasunean jartzen du arreta, «zirrikituak» sortu direla adierazizi.
Eskozian ere arreta berezia eskaini diote Kataluniari. ‘The Scotsman’ egunkariak Erresuma Batuko Gobernuak ez duela Kataluniako independentzia aldarrikapena onartuko eramaten du lerroburu nagusira.
Saturday's @TheScotsman front page: 'UK 'won't recognise' Catalan declaration of independence' #bbcpapers #skypapers #scotpapers #buyapaper pic.twitter.com/3x0gK7BROw
— The Scotsman (@TheScotsman) 28 de octubre de 2017
‘The National’ kazetaren azala ikusgarriagoa da. «Hello Catalonia! (Kaixo Katalunia!)» da lerroburu nagusia. Argazkian, noski, independentziaren aldarrikapenaren ospakizuna. Azal osoan.
Our front page: Hello, Catalonia! Historic day as Catalan Parliament declares the birth of a new independent European republic pic.twitter.com/vW8F12XpD9
— The National (@ScotNational) 27 de octubre de 2017
Italian ‘Il Corriere della sera’ egunkariak azalean jasotzen du berria. Kataluniak independentzia aldarrikatu duela eta Rajoy kriminaltzat jo dituela nabarmentzen du.
Alemaniari dagokionean ‘Frankfurter Allgemeine’ kazetak lerroburu deskribatzailearen hautua egiten du, Kataluniak independentzia aldarrikatu duela adieraziz.
‘Der Tagesspiegel’ kazetak ere Kataluniak Gobernua aldarrikatu duela dio.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![Moore](/media/asset_publics/resources/001/138/501/article_thumb_horizontal/moore.jpg)
Los 20 años de ‘Fahrenheit 9/11’, el máximo éxito de Michael Moore
![Gasteiz](/media/asset_publics/resources/001/140/870/article_thumb_horizontal/gasteiz.jpg)
Gasteizko Txosna Batzordeak txosnak jartzea erabaki du eta mobilizazioa deitu du abuztuaren 3an
![0729_eg_freixas(1)](/media/asset_publics/resources/001/141/247/article_thumb_horizontal/0729_eg_Freixas(1).jpg)