Etxeratek Twitter bidez jakinarazi duenez, Iñigo Gulina Soto del Realeko espetxean sartu dute Alemaniatik estraditatua izan ondoren.
Iñigo Gulina euskal preso politikoa Soto del Realeko espetxera (364 km) lekualdatu dute Alemaniatik estraditatua izan ostean #DispertsioaSTOP
— Etxerat Elkartea (@EtxeratElkartea) December 24, 2017
Gulina, burlatarra, joan den urriaren 27an atxilotu zuten Berlinen Mikel Barrios iruindarrarekin batera eta biak kartzeleratu egin zituzten.
Espaniar eta frantziar estatuek bi gazte nafarren aurkako euroagindu eskaerak egin zituzten eta abenduaren 13an Berlingo Auzitegi Gorenak Barrios Estatu frantsesera estraditatzeari argi berdea eman zion.
2007an atxilotua lehen aldiz, torturak salatu zituen
Gulina 2007an atzeman zuen lehen aldiz Guardia Zibilak eta inkomunikatuta eduki zuten bitartean torturatu egin zutela salatu zuen. Hainbat hilabete kartzelan egin ondoren aske geratu zen eta ez zen aurkeztu gerora Auzitegi Nazionalean egin zen epaiketara. Kale borrokako ekintzetan parte hartzea leporatzen diote burlatarrari.
Berlinen preso eduki dituzten bitartean hainbat mobilizazio egin dituzte bi gazte nafarren askatasuna aldarrikatzeko, hala nola kontzentrazioak, hitzaldiak eta elkartasun bazkaria.
Cien años del primer muerto en el recorrido del encierro y algo de porno
Dos bestazales violentamente atacadas por defender a un hombre de una agresión
Arranque de temporada complicado para los últimos fabricantes de alpargatas suletinas
Gasteizko Txosna Batzordeak txosnak jartzea erabaki du eta mobilizazioa deitu du abuztuaren 3an
.jpg.webp)