Bilboko Aratusteak iragartzeko kartela aukeratzeko lehiaketa martxan jarri du Udalak aurten ere. Gehienez bi obra aurkez ditzake parte hartzaile bakoitzak. 70 cm X 50 cm neurriko irudia izan beharko du, Aratusteen muina islatuz. Epaimahaia Jai Batzordeko kideek eta diseinu zein kultura arloko ordezkariek osatuko dute eta kartel finalistak aukeratuko ditu. Ondoren, kartel irabazlea bozketaren bidez aukeratuko da.

Aurreko edizioetan bezala, obra irabazlea bozketaren sistema mistoaren bidez eta epaimahai baten irizpidearekin aukeratuko da. Lehenak %75eko balioa izango du, eta besteak %25ekoa. Jaiaren irudi izateko aukeratutakoak 2.000 euroko saria jasoko du.

Iazko edizioan ‘Sardinita’ izeneko lana izan zen irabazlea. Hainbat tokitik iritsitako 50 kartel baino gehiago aurkeztu ziren. Gehienak Bilbokoak ziren arren, Nafarroa, Bartzelona, Lleida, Errioxa, Huelva, Sevilla, Leon, Valentzia edo Murtziatik heldutakoak ere izan ziren.

Bilboko Aratusteak otsailaren 8tik 13ra bitartean ospatuko dira, sei eguneko jai giroan, eta adin guztietako publikoarentzat antolatutako jarduerak izango dira.