![Euskal hondartzak hartu ditu Etxeratek presoen eskubideen alde aldarri egiteko. (FOKU)](/media/asset_publics/resources/000/522/418/article_main_landscape/etxerat.jpg)
Euskal Herriko hondartza ezberdinetan elkarretaratzeak burutu ditu igande eguerdi honetan Etxeratek. Hauetan, dispertsio politikaren amaiera exijitu dute, «euskal preso eta iheslari politikoak, behingoz, etxean eta bizirik nahi ditugulako».
Parte hartze zabala izan dute Muskiz, Laida, Laga, Laidatxu, Lekeitio, Ondarroa, Bakio, Ea, Deba, Zarautz, Orio, Donostia, Mutriku eta Hendaian egin diren elkarretaratzeek Etxeratek arabera.
«Zoritxarrez, balizko biktimak gara oraindik [presoen] senide eta gertukoak. Astebururo, gure bizitza arriskuan jartzen jarraitzen dugu bisiten eskubidea bermatzeko. 4.000ti gora gara balizko biktima horiek», dio elkarteak hedabideetara igorritako oharrak.
Etxeratek uste du Euskal Herrian badela adostasun «sendo eta zabal bat konponbiderako premiazko agendaren inguruan». Agenda horretan kokatzen ditu euskal presoak Euskal Herriko espetxeetara hurbiltzea, edota larriki gaixo daudenak askatzea. Horrekin batera, jorratu beharreko kontuak dira gradualdaketenak eta espetxe frantsesetan betetako zigor-metaketenak.
«Horregatik, mobilizazioa inoiz baino garrantzitsuagoa da, horregatik da ezinbestekoa euskal gizarteak aurrea hartzea, gizartearen gehiengo batek nahi duena behingoz errealitate bilakatu dadin», adierazi du Etxeratek.
![Bidasoa-irla](/media/asset_publics/resources/001/142/169/article_thumb_horizontal/bidasoa-irla.jpg)
Traspaso de poderes en el condominio más pequeño del mundo, la Isla de los Faisanes
![Putin](/media/asset_publics/resources/001/142/722/article_thumb_horizontal/putin.jpg)
Pablo González, libre tras dos años y medio sin pruebas en contra ni juicio
![Palestinarrak-paris](/media/asset_publics/resources/001/142/420/article_thumb_horizontal/palestinarrak-paris.jpg)
Electos de Maule ceden parte de su asignación para apoyar a los atletas olímpicos palestinos
![Lizarra](/media/asset_publics/resources/001/142/865/article_thumb_horizontal/lizarra.jpg)
La fiesta en Lizarra arranca con represión a un cantante, cohete dividido y Bajadica suspendida
![Policia](/media/asset_publics/resources/001/142/734/article_thumb_horizontal/policia.jpg)