![](/media/asset_publics/resources/000/524/927/article_main_landscape/0816_eh_INDEPEND.jpg)
Urteroko hitzordu bilakatu dira hiru ekitaldi hauek, bakoitza bere ezaugarri eta mezu propioarekin, eta aurtengoan egun berean bat egin dute. Ibañetako gainean, Pasai Donibanen zein Gernikan, independentzia hizpide eta helburu izan da, hiru ekimen ezberdinen eskutik. Zeharkako hari batzuk ere josten dituzte ospakizunok; esaterako, Gernikako bonbardaketari buruzko ikerketa mamitsuak osatu eta idatzi berri dituen Xabier Irujo irakasleak egin du aurtengo Orreaga Fundazioaren ospakizunaren pregoia.
Urtero legez, Ibañetako gainean 778. urtean euskaldunek lorturiko garaipena oroitu zuten, lore eskaintza, aurresku, bertsolari eta abarren bidez. Aurretik, Iruñean eta Luzaiden beste ekitaldi batzuk ere egin dituzte aurten; guztien artean bereziki nabarmentzekoa da Gaizka Aranguren kazetariak aurkeztu duen dokumentala, bataila bera eta ondorengo Iruñeko Erresumaren sorrera lotuz.
Aurtengo ospakizunetan, mugarri historiko horren inguruan dagoen ezagutza ezarekin batera, Karlomagnoren aurka borroka egin zuten euskaldunak omentzeko oroitarririk ez dela salatu dute berriro. Errolan inbasorea gogoan duen harria bada, aldiz, duela 50 urte baino gehiagotik.
Nafarzaletasunak ezaugarritzen du ere azken urteotan Orreaga Iritzi Taldeak Pasai Donibanen antolatzen duen Askatasunaren Eguna. ‘‘Herriak bizi behar du, egin dezagun herri bidea’’&flexSpace;izan da aurtengo leloa. Orreagako garaipena oroimenean, mende ugariz euskal herritarrak bildu zituen Estatua berreskuratzearen alde egiten du ekimenak, demokraziaren kontzeptua oinarri.
Azkenik, 2010. urtetik lanean den Independentistak sareak urtero-urtero Gernikako jaietan antolatzen duen ekimena egin zuen atzo. Ohi bezala, sarea ezaugarritzen duen berde koloreko piperrak frijitu zituzten, sagardoarekin batera dastatzeko. Atzokoan, gainera, XIX. mendeko Jose Maria Iparragirre kantaria (beste askoren artean ‘‘Gernikako arbola’’ abesti ezagunaren egilea) omendu nahi izan zuten, herrian duen eskulturaren inguruan bilduz eta bere kantu batzuk abestuz.
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Bilbo](/media/asset_publics/resources/001/147/134/article_thumb_horizontal/bilbo.png)
La Policía Municipal de Bilbo retira pancartas y banderas palestinas; al menos 4 identificados
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)