![Txantxarrekako kideek Donostiako Udaletxearen atarian egin dute agerraldia. (Gorka RUBIO/FOKU)](/media/asset_publics/resources/000/530/445/article_main_landscape/txantxarreka.jpg)
Txantxarreka gaztetxeko kideek agerraldia egin zuten atzo goizean Donostiako Udaletxearen atarian, migratzaileentzat harrera neurri eraginkorrak aldarrikatzeko. «Ilegala banaiz, alda zuen legea» zioen pankartaren atzean bildu dira gaztetxeko kide eta etorkinak.
Antiguako gaztetxe horretan hilabete darama afrikar etorkin talde batek. Une honetan hamasei daude, baina lau asteotan hamarnaka pasa dira, tartean haurrak, bertako kide eta auzokoen borondate eta lanari esker. Denbora horretan guztian Udalaren ordezkaririk ez da joan Txantxarrekara, agerraldian salatu zutenez. Hori dela eta, gaztetxeko bi kide Udaletxera sartu ziren, Eneko Goia alkateari presazko bilera baterako eskaria egitera. Erantzuna iritsi zen eta gaur arratsaldean bilduko dira.
Txantxarrekak, muga fisikoez gain, baliabide profesional eta ekonomiko urriak dituela jakitun direla esan zuten, baina hala ere gaztetxeko, Harrera Sareko kide eta herritarren borondate onari esker 24 orduz txandakako lanean aritu dira errefuxiatuei «bizi duten egoera tamalgarria zertxobait arintzeko». Sendagile, gizarte hezitzaile, itzultzaile, psikologo, irakasle, abokatu eta begiraleak aritzen dira bertan, besteak beste.
«Gu hilabete batean hau guztia egiteko gai izan bagara, nola liteke instituzioek, haien esku dituzten kalitatezko baliabide guztiekin, fundamentuzko erantzunik ez eman izana?» galdetu zuten.
Donostiara migratzaileak «trantsitoan» doazela diotenen aurrean, «errealitatea bestelakoa dela» erantzun diete. «Hauetako batzuek duinki bizi eta lan egin nahi dute hemen. Zuen ahotan aspalditik entzuten ari gara migratzaileei harrera egingo diezuela, baina zuen erantzuna hitz polit eta itxurakeria hutsa izaten ari da. Bada garaia egoeraren larritasunari merezi duen erantzuna emateko», aldarrikatu zuten.
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Bilbo](/media/asset_publics/resources/001/147/134/article_thumb_horizontal/bilbo.png)
La Policía Municipal de Bilbo retira pancartas y banderas palestinas; al menos 4 identificados
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)
Detienen a un ertzaina en Donostia acusado de intentar matar a su mujer con un cuchillo
![I1](/media/asset_publics/resources/001/147/611/article_thumb_horizontal/i1.jpg)