Manifestazioa hasterako sumatzen zen handia izango zela, eta hala suertatu da. Eskoziako hiriburuko ‘Royal Mile’ ezaguna independentziaren aldeko aldarriz bete dute antolatzaileen arabera larunbat arratsalde honetan Edinburgon izan diren 100.000 manifestariek.
Inoiz Eskoziako hiriburuan independentziaren alde egin den manifestaziorik handiena izan da gaurkoa, ‘All Under One Banner’ eragileak azken hilabeteetan deitu dituen manifestazioei amaiera eman diena.
Milaka batzuk izango dira gaur aldarri independentista Edinburgo zaharrera eramango dutenak #indyref2 pic.twitter.com/UFMkYboDoq
— Aimar Etxeberria (@aimar_etxe) 6 de octubre de 2018
Apenas entzun da oihurik Edinburgoko gaztelua eta Holyroodeko Legebiltzarra lotu dituen manifestazioan, baina zertarako oihu egin melodia batekin hainbeste esan daitekeenean. ‘Flower of Scotland’ –Eskoziako lorea– eta ‘Scotland the brave’-en doinupean osatu dute manifestariek ibilbidea.
Pelos como escarpias #indyref2 pic.twitter.com/1uVlW1dNNN
— Aimar Etxeberria (@aimar_etxe) 6 de octubre de 2018
Holyroodeko berdegunean egin dute amaierako ekitaldia, hitzartzeak eta musika tartekatu dituena. Besteak beste, bigarren independentzia erreferendum baterako apetitoa badagoela adierazi dute oholtzatik, eta dei egin diote SNPri: «Mandatua badaukazu [bigarren erreferenduma deitzeko], erabil ezazu».
It's been cracking, huge turn out!#indyref2 #AllUnderOneBanner pic.twitter.com/6fwPUGoXqw
— Aimar Etxeberria (@aimar_etxe) 6 de octubre de 2018
Bihar, igandez, hasiko da alderdi independentistaren kurtso hasierako kongresua, Glasgown, eta asteartean egingo du bere hitzartzea Nicola Sturgeon herrialdeko lehen ministroak.