![Ostiraleko manifestaziorako deialdia Donostiako parte zaharrean. (@AZgaztetxea)](/media/asset_publics/resources/000/563/954/article_main_landscape/DvwGwFgXgAAD3Ru.jpg)
Gaurtik aurrera Kijera gaztetxea defendatzeko deia egin du bertako asanbladak eta «erresistentzia txandak» iragarri ditu, «Kijera defendatuko dugu, gure esku dauden baliabide guztiekin, elkartasuna saretuz eta erresistentzia antolatuz».
Donostiako Udalak eraikina husteko urjentziazko prozedura administratiboa aktibatu duela jakin dute. Abenduaren 26an izan zen hori, bost lan-eguneko alegazio epea igarota azken ebazpena argitaratu eta edozein momentutan hustu dezakete Kijera gaztetxea. Horregatik, bertan eusteko deia egin dute.
Gazteen esanetan 12 urtez hutsik egon da eraikina eta «ez dago inongo proiektu sendorik eraikinerako». Hainbat eragilek aurkeztu dituzte hustearen aurkako alegazioak baina atzo agerraldi bidez adierazi zutenez ez dute espero erantzun baikorrik. «Auzoa sistematikoki turismo enpresei saltzen dien udaletxe batek, etxebizitza alternatibak ilegalki desalojatzen dituen udaletxe batek, hitz egiteari beldur dion udaletxe batek ez digu inolako bermerik ematen», salatu zuten. Horregatik diote «aukera bakarra erresistentzia» dela.
Gaztetxean garatu diren proiektuek auzoari ekarpen handia egin diotela adierazi zuten agerraldian eta aurrerantzean ere beharrezkoa dela espazio horri eustea.
Herritarrei dei egin die Kijera defendatzeko eta gaurtik bertatik «erresistentzia txandak» antolatu dituzte. Ostiralerako manifestazioa deitu dute, 19.00etan abiatuko da Plaza Berritik.
"Utilizaremos todos los medios que la ley nos dispone para recuperar el inmuble" esan zuten udalaren plenoan duela 2 hilabete.
— Kijera Gaztetxea (@AZgaztetxea) 2019(e)ko urtarrilaren 2(a)
Guk ere gure esku dauden medio guztiekin defendatuko dugu gaztetxea! Gaztetxeak bizirik! pic.twitter.com/HeQKp95sv8
EH Bilduk Udalari: «baztertu errepresio bideak»
Donostiako Udalari elkarrizketa eskatu dio bere aldetik EH Bilduk huste asmoen berri jaso orduko. Hitz eginda egoera konpondu daitekeela uste du koalizio independentistak eta Kortxoenearen ustea gogoratuz Eneko Goia alkateari «errepresio bideak bazter uzteko eskaria» egin dio.
Donostiar gazteek alternatibak behar dituztela uste du koalizioak eta uste du hilabete hauetan «garbi geratu da Kanpandegi kaleko eremu autogestionatu honek alternatibak eskaintzen dizkiola gazteriari eta auzoari oro har».
![Fumanal1](/media/asset_publics/resources/001/146/593/article_thumb_horizontal/fumanal1.jpeg)
«Sánchez decide así porque sabe que las bases están con él; Feijóo está atado de pies y manos»
![Captura_de_pantalla_2024-08-25_a_las_14.19.11](/media/asset_publics/resources/001/149/394/article_thumb_horizontal/Captura_de_pantalla_2024-08-25_a_las_14.19.11.png)
Tres corzos se ceban con Euskaltel-Euskadi: tiran a Juaristi y saltan sobre el coche del equipo
![Naizpepe1](/media/asset_publics/resources/001/149/578/article_thumb_horizontal/NAIZpepe1.jpg)
«Tengo la obligación de hacer cosas diferentes»
![Manteros](/media/asset_publics/resources/001/150/509/article_thumb_horizontal/manteros.jpg)
Los manteros instan a Aburto a que permita que se dignifiquen sus condiciones de vida y trabajo
![Echavarri](/media/asset_publics/resources/001/151/291/article_thumb_horizontal/echavarri.jpg)