![Larrainen ez ezik Maulen ere bilera egin zuten hartzaren gaia aipatzeko. @euskalelkargoa](/media/asset_publics/resources/000/599/641/article_main_landscape/D6NZwcjWwAMRqhY.jpeg)
Neguraldia amaituta, Claverina artz emeari egotzitako hainbat eraso jazo dira azken asteotan, azkenekoa Uztarrotzen (Nafarroa Garaia). Horren ondorioz, Piriniotako bi aldetako abere hazle eta mendi artzainen artean arrangura handia da.
Basaburiako Hazleen Elkarteak (ADEB) deituta, 400 lagun bildu ziren, joan zen ostiralean, Larrainen «hartzaren lehenengo erasoa azkenekoa izan behar dela» ozenki adierazteko.
Nicolas Bengoetcheak “Mediabask” webean azaldu duenez, «mobilizazioak benetako arazoa dagoeka erakutsi du». Hamarkada luzetan hartzak Zuberoan hildako lehen ardia berarena zen eta larrainarrak aitortu duenez, gertatutakoak kolpe latza izan da.
«Ez genuen espero eta uste du ez ginela prest horretarako, baina erasoa Larraineko lehenengo etxaldeen 200 bat metrotara gertatu zen», azpimarratu du hazleak, Zuberoako herrian Claverinaren atzaparkadak eragindako zirrara laburbilduz.
Gertakaria horren aitzin ADEB elkarteak eta Zuberoa, Uharte Garazi, Erronkari, Salazar eta Aezkoa baileretako hautetsiek (baita Biarnoko Baretousekoek ere) 2018-2028 Hartz Plana bertan behera uzteko galdegin zieten, eskutitz baten bidez, Pirinio Atlantikoetako Prefetura zein Nafarroako Gobernuari.
50 bat hartz ale
Egitasmoak Pirinioetako bailaretan hartzaren habita sendotze aldera hainbat neurri jasotzen ditu, ondoko urteotan hartz populazioa 50 bat aletara iristeko helburua finkatuz.
Larraineko ehiztariak biltzen dituen taldearen bultzadapean bigarren eskutitza prestatu du Basaburiako Hazleen Elkarteak, Eric Spitz prefetari zuzenduta.
Idatzi horretan hazleek gogoratu dutenez, «hartzaren joan-etorrien berri emateko hitza hartu bazuen ere prefeta ez da geroztik auzapezekin harremanetan jarri».
«Lehenengo erasoa gertatu zenetik gauzek ez dute hobera egin, nahiz eta horren geroztik hartzaren posizioari buruzko informazioa egunero jaso», azaldu du Bengoetcheak. 12 hektara duen Larraine bezalako udalerri batean «hartza inguruetan dagoela jakinaraztea, beste xehetasunik eman gabe», ez dela oso eraginkorra salatu du hazleak.
Nafar gobernua, garden
Bengoetchearen ustez, Paueko prefeturarekin alderatuta «Nafarroako gobernuarekin gardentasuna bada». Iragan maiatzak 5ean, Erronkarin, Claverinari egotzitako eraso berria gertatu zenetik neurri berriak hartu zituen Iruñeako gobernuak.
«Dagoeneko beraiei esker jakin dugu maiatzak 17an bilera eginen dutela frantses eta espainiar gobernuetako arduradunek Madrilen; Prefeturak, ordea, informazio hori ez digu baieztatu ere egin», erran du, kexu, Larrainekoak.
«Gu bezala, nafarrak beldur dira, eta haserre dira oso, finean arazoa oso antzekoa delako Pirinioetako bi aldeetan la egiten dugun hazleendako», gehitu du.
Euskal Elkargoak Maulen deitutako bilerara Larraine aldeko 50 bat herritar hurbildu ziren. Jean-Rene Etchegarai presidentea eta Zuberoako 30 bat auzapez, bertan izan ziren.
Hartzaren Pirinioetan bersartzeko erabakiak ekarri dituen erronka zailak erakundearen baitan aipatzeko hitza eman zuen Iparraldeko erakundearen lehendakariak.
![0908_eko_mecaner](/media/asset_publics/resources/001/152/879/article_thumb_horizontal/0908_eko_mecaner.jpg)
La lucha de GKN inspira el proceso de transición ecosocial en Mecaner
![Naiznandocruzh](/media/asset_publics/resources/001/153/253/article_thumb_horizontal/NAIZnandocruzH.jpeg)
«El capitalismo ha engullido los festivales con voracidad fulminante»
![Arnaldo](/media/asset_publics/resources/001/153/497/article_thumb_horizontal/arnaldo.png)
UPN coloca una pistola a Arnaldo Otegi en un fotomontaje y luego lo retira
![Apartamentos_pamplona](/media/asset_publics/resources/001/154/001/article_thumb_horizontal/apartamentos_pamplona.jpg)
EH Bildu, PSN, Geroa Bai y Contigo-Zurekin no permitirán más pisos turísticos en Alde Zaharra
![Vinicio](/media/asset_publics/resources/001/154/378/article_thumb_horizontal/vinicio.jpg)