![Juan Karlos Izagirre (EH Bildu), Gipuzkoako Batzar Nagusietan. (Juan Carlos RUIZ/FOKU)](/media/asset_publics/resources/000/699/484/article_main_landscape/Izagirre_batzarnagusiak.jpg)
EH Bilduk Gipuzkoako Foru Aldundiari alderdi guztiak batuko dituen krisi-mahai bat osatzeko eskatu dio, «salbuespen egoerak pertsonen osasunean, gure jendartean eta ekonomian izango dituen ondorioei aurre egiteko».
Koalizioak ezinbestekoa deritzo pandemiaren eraginari «adostasunean eta elkarlanetan» ondutako erantzunak ematea; horregatik, Batzar Nagusien osteguneko ez-ohiko osoko bilkuran aurkeztuko du proposamena, bertan eztabaidatzeko.
EH Bilduk zehaztu du krisi-mahai horretan «berehalako» eta «epe ertaineko» neurriak hartu beharko liratekeela, eta talde subiranistak beharrezkoak ikusten dituen neurri horietako batzuk zerrendatu ditu, besteak beste: deskonfinamendua gauzatzeko pausoak adostu eta lantzea; lan-sektore guztiei laguntzeko lerro bereziak sortzea, gehien jasango duten sektoreentzako neurri bereziak edota bitartekari lanak egitea bere egoera leuntzeko; irekita egongo diren dendentzako protokoloak lantzea; kalean bizi diren pertsonentzako eta bakarrik bizi diren pertsonentzako berehalako erantzun zehatzak hartzea; haur eta nerabeen zaintzarako gomendioak eta proposamenak zabaltzea; telefonoak aktibatzea, arlo bakoitzeko informazio zehatza emango duena eta eragile nagusiekin elkarlana eta informazio trukea bultzatzeko kontaktu jarraitua edukitzea.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![Piratak](/media/asset_publics/resources/001/137/746/article_thumb_horizontal/piratak.jpg)
‘Belak mastara eta euskara plazara’ aldarriarekin ospatuko dute Donostiako Piratek Aste Nagusia
![Atristain](/media/asset_publics/resources/001/134/948/article_thumb_horizontal/Atristain.jpg)
El donostiarra Xabier Atristain queda en libertad condicional tras 13 años preso
![Keyframemugu](/media/asset_publics/resources/001/138/892/article_thumb_horizontal/keyframemugu.jpg)