Eibar eta Newcastle akordio batera iritsi dira azkenean, eta Yoshinori Muto jokalari japoniarrak talde armaginean jokatuko du utzita hasi berri den denboraldian.
28 urteko aurrelaria da Muto, bere selekzioarekin artitutakoa, eta Europan esperientzia zabala duena dagoeneko. 2018/19 denboraldian iritsi zen Newcastle taldera, baina Ingalaterrara heldu aurretik Alemaniako Mainz taldean hiru denboraldi egin zituen.
Hain zuzen ere, Mutok Bundesligan sinatu zituen bere denboraldi onenak: guztira 72 neurketa jokatu zituen, 23 gol sartuz eta 11 asistentzia emanez.
Aurrelari japoniarrak 12 zenbakiarekin jokatuko du Eibarren, eta aurreneko lan saioak bakarka egin beharko ditu, datorren astean taldekideekin batzeko.
Iñaki Salegi zendu da
Bestalde, Eibarrek jakinarazi duenez Iñaki Salegi jokalari ohia zendu da, 1982, 1983 eta 1984 urteetan taldeko atezaina izan zena. Klubak doluminak eman nahi izan dizkie bere senide eta lagunei.
«La ministra Robles me dijo que pasemos página, que nos olvidemos del ‘caso Almería’»
Pradales invita a Muguruza a un debate «honesto» tras la polémica por su actuación en Martutene
«Hay que aprovechar los momentos políticos favorables para la denuncia de la tortura»
Suspenden el Maratón de Donostia por las fuertes rachas de viento
