![Israelgo ekintzaileak atxilotu administratibo palestinarrak askatzeko eskatzen, Maher Al-Akhras barne. (Ahmad GHARABLI/AFP)](/media/asset_publics/resources/000/741/943/article_main_landscape/Maher_palestina.jpg)
Yihad islamikoarekin lotura izatea egotzita atxilotu zuen Israelek Maher Al-Akhras, 49 urteko palestinarra. Nablusetik hurbil atzeman zuten, okupatutako Zisjordania iparraldean, eta gero administrazioak atxilotu zuen.
Atxiloketa erregimen honek Israeli ahalbidetzen dio ezein kargurik eta kondenarik ez duten palestinarrak gehienez ere sei hilabetez preso mantentzea.
Al-Akhrasek gose-greba abiatu zuen bere atxiloketa administratiboarengatik protesta egiteko. Bere osasun egoerak nabarmen okerrera egin zuen, eta Tel Aviv hegoaldeko ospitale batean dago irailaren hasieratik.
«Hilzorian dago», jakinarazi du B'Tselem GKEak ohar baten bidez.
Ramallah hiriko erdigunean, hamarnaka manifestarik bere askapena eskatu dute astelehenean. «Gure herriak ez du utziko Maher Al-Akhras erortzen», agertu du Khader Adnane palestinarrak, zeina behin baino gehiagotan atxilotu duen Israelek eta gose-greba egin zuen.
Mohammed Shtayyeg Palestinako lehen ministroak galdegin du Maher Al-Akhrasen askatu dezatela eta Israelek atxiloketa administratiboak eten ditzala.
Presoaren abokatuek, era berean, Israelgo Gorte Gorenaren aurrean eskatu zuten Al-Akhrasen askapena. Azken honek astelehenean bere erabakia atzeratu zuen, esanez kasua oraindik ikertzen ari direla.
Atxiloketa administratiboak giza eskubideen aurkako erasoak direla defendatzen dute eginbide honen aurkariek. Atxiloketa molde honek ustez «arriskutsuak» izan litezkeen pertsonak gatibu mantentzea posible egiten du, segurtasunaren atzakiarekin, ezin direlako haien aurka lortutako frogak publikatu.
Abuztuaren bukaeran, 355 palestinar inguru zeuden administratiboki atxilotuta, tartean bi adingabe, B'Tselem GKEaren datuen arabera.
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Bilbo](/media/asset_publics/resources/001/147/134/article_thumb_horizontal/bilbo.png)
La Policía Municipal de Bilbo retira pancartas y banderas palestinas; al menos 4 identificados
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)
Detienen a un ertzaina en Donostia acusado de intentar matar a su mujer con un cuchillo
![I1](/media/asset_publics/resources/001/147/611/article_thumb_horizontal/i1.jpg)