Ahalegin itzela egin beharrik gabe gora eta behera egin daiteke jada Alpeetako erraldoiaren barrena. 4.808 metroko altuera duen Mont Blancek beste errekor bat lortu du oraingoa: berari egin diote orain arte sekulan atera den argazki handiena.
Irudi bakarra da baina ez da argazki bakarra, jakina, 70.000 irudi baizik. Lan talde handi-handia eta puntako teknologia behar izan dute helburu hau lortzeko: 15 egunetan jo ta fuego ibili ziren herrialde ezberdinetako argazkilariak (nazioarteko egitasmoa izan da), bi hilabeteko iraupena izan du ekoizpen lanak, futbol-zelai oso bat beteko luke irudiak 300 pp.ko zehaztasunarekin inprimatu ezkero... Filippo Blengini argazkilariak gidatu du dena.
Bi detaile esanguratsu gehiago eman daitezke, argazkigintzaren mirarietatik haratago doazenak: batez beste 10 gradu zero azpitiko tenperaturak neurtu ziren Mont Blancen inguruan argazkia egin zenean eta irudia atera zen altueran, 3.500 metrotara hain zuzen ere.
Orain arteko argazki handiena Londresekoa zen, 2012ko Olinpiar Jokuen testinguruan egina. Azken honek zirrara berezia eragingo die euskal mendigoizaleei, eta dibertitzeko aukera ere bai, argazkitzarrean eskalatzaile edo eskiatzaile bat edo beste bilatzen.
Pradales invita a Muguruza a un debate «honesto» tras la polémica por su actuación en Martutene
Alex Txikon regresa al Himalaya con el objetivo de hollar la cima del Annapurna en invierno
Asiron confía en alcanzar el máximo consenso en torno a Los Caídos pese a las discrepancias
Suspenden el Maratón de Donostia por las fuertes rachas de viento
