![Aimar eta Lopez, iazko finalaren osteko sari banaketan (JAWT)](/media/asset_publics/resources/000/758/973/article_main_landscape/aimar-lopez.jpg)
Gaur eguerdian aurkeztu dute Berriatuako udaletxean Banakako Jai Alai World Tour zesta punta lehiaketa, garai bateko Buruz Buruko Txapelketaren oinordeko izan nahi duena baina parte-hartzea ikusita maila berean ipini ezin daitekeena.
Aurten sei puntistak hartuko dute parte. Lehenik final-laurdenetako bi kanporaketa jokatuko dira, eta irabazleek serie buruak izango dituzte zain finalerdietan. Zehazki, Antxon / Hormaetxea eta Arbe / Aaron izango dira lehen kanporaketak, eta finalerdietan zuzenean sartuko direnak Aimar eta Beaskoetxea izango dira.
Neurketa guztiak Berriatuako Mendibarren pilotalekuan jokatuko dira, hurrengo hiru larunbatetan 18.00etan hasiko diren jaialdietan: final-laurdenetako norgehiagokak abenduaren 19an jokatuko dira, finalerdietakoak abenduaren 26an, eta finala urtarrilaren 2an.
Lehiaketa Munduko Pilota Batzarrak antolatzen du, eta komunikabideetara bidalitako oharrean azken urteetako irabazle zerrenda aipatzen da: iaz eta 2017an Lopezek irabazi zuen; 2018, 2016 eta 2015ean Goikoetxeak; 2014an Egiguren II.ak… Argi dago izen horiek denak gabe, lehiaketaren maila nabarmen jaisten dela. Aimar izango da, iaz finalera iritsi ostean, aurten irabazteko faborito nagusia Beaskoetxearen baimenarekin
![Itunougarte](/media/asset_publics/resources/001/148/694/article_thumb_horizontal/itunougarte.jpg)
«Gustura onartu dut erronka; hori ere badelako, ordainsariak dituen erronka bat»
![Mani](/media/asset_publics/resources/001/149/003/article_thumb_horizontal/mani.jpg)
Bilbo reivindica en ambiente festivo que la vuelta a casa de los presos sea una realidad
![Captura_de_pantalla_2024-08-25_a_las_14.19.11](/media/asset_publics/resources/001/149/394/article_thumb_horizontal/Captura_de_pantalla_2024-08-25_a_las_14.19.11.png)
Tres corzos se ceban con Euskaltel-Euskadi: tiran a Juaristi y saltan sobre el coche del equipo
Marijaia pone punto final a una Aste Nagusia con 1,6 millones de visitantes
![Gv2uicaxqaafjdz](/media/asset_publics/resources/001/149/592/article_thumb_horizontal/GV2UiCaXQAAfJdZ.jpg)