Joan den asteartean Pablo Hasel atxilotu zutenetik eta bere espetxeratzea salatzeko lehen elkarretaratzeak egin zituztenetik, hainbat protesta egin dira egunero hiri eta herri desberdinetan. Haietako batzuetan istiluak izan dira, karga polizial bortitzekin.
Euskal Herriko zenbait tokitan bezala, Herrialde Katalanetan eta espainiar Estatuan Haseli babesa adierazteko eta adierazpen askatasuna aldarrikatzeko mobilizazioak egin dituzte gaurkoan ere. Ikasle katalanek greba egin dute aldarri honekin bat egiteko.
Aurreko egunetan bezala, protesta batzuetan istiluak eta Esquadra Mossoen kargak izan dira, tartean Bartzelonan eta Gironan. Azken horretan, Dani Cornella CUPeko diputatuari eraso egin diote Mossoek, gazte bat atxilotu nahi zuten agenteekin hitz egiten saiatzen ari zela.
El diputat de la @cupnacional Dani Cornellà @danicornella ha patit una agressió totalment injustificada per part dels Mossos d'Esquadra avui a Girona.
— CUP Països Catalans (@cupnacional) February 19, 2021
Dani Cornellà intentava mediar durant la detenció d'un manifestant.
Prou agressions policials!
Asteburuan ere deialdiak
Asteburuan zehar, larunbatean zein igandean, Pablo Haselen aldeko mobilizazioek segida izango dute. Euskal Herrian, deialdi nagusia igandean izango da, Bilbon deituta dagoen hitzorduan (12.30ean Arriagan).
Hau Pittu Hau konpartsaren Euskara Saria jaso du Presoen Euskara Irakasle Taldeak
«Gustura onartu dut erronka; hori ere badelako, ordainsariak dituen erronka bat»
Bilbo reivindica en ambiente festivo que la vuelta a casa de los presos sea una realidad
Albokari Tropelaren 25. edizioak musikaz alaitu ditu Bilboko kaleak
