Emakundek emandako datuen arabera, otsailera arte 50 emakumek salatu zuten sexu askatasunaren aurkako delitu baten biktima izan zirela EAEn, hau da, denbora tarte berean iaz baino %30,5 gutxiagok.
Lurraldeka jasotako datuei dagokienez, Araban mota horretako delituen biktima izan ziren emakumeen kopuruak %50 egin du behera (zortzi 2020an, eta lau aurten).
Gipuzkoako beherakada %40koa izan da (2020an 30 eraso, eta aurten 18); Bizkaian, berriz, %17,6 jaitsi ziren (2020an 34 izatetik aurten 28 izatera).
518 emakume, bikotekidearen biktima
Gainera, Emakunderen analisian jasotzen denez, otsailera arte 518 emakumek jasan zituzten bikotekidearen edo bikotekide ohiaren erasoak, hau da, %14,6ko beherakada egon zen iazko epe berean zenbatutako 607 biktimekin alderatuta.
Bizkaian eta Gipuzkoan behera egin du bikotekideak edo bikotekide ohiak erasotako emakumeen kopuruak (%18 Bizkaian eta %16,4 Gipuzkoan). Hala ere, Araban %2,3 hazi da erasoak jasan zituzten emakumeen kopurua.
Biktima horiei familia-ingurunean erasotako 157 emakumeak gehitu behar zaizkie (bikotekidea edo bikotekide ohiaren erasoak ez zirenak). %12,3ko beherakada izan zen 2020ko lehen bi hilabeteetan delitu mota horrekin lotuta izan ziren 179 biktimekin alderatuta.
Guztira, EAEn indarkeriaren biktima izan diren emakumeak 725 izan dira lehen bihilekoan; horrek esan nahi du %15,5eko beherakada egon dela 2020an izan ziren 858 erasoekin alderatuta.
Lurraldeka, emakumeen aurkako indarkeria %18,2 jaitsi zen Bizkaian, %18 Gipuzkoan, eta %1,75 Araban.