Hamarka lagun bildu dira ostegun arratsalde honetan Hendaian Bessam G. 34 urteko tunisiarraren egoera salatzearekin batera Irun eta Hendaia arteko muga desagertzea aldarrikatzeko.
Ekimena arratsaldeko 18.00etan hasi da. «Muga arrazistarik ez» zioen pankarta baten atzetik ziren lagunak migratzaileak atxikitzeko zentroaren aurrean plantatu dira.
Muga arrazista salatuz bere ezpainak josi zituen migranteari elkartasuna adierazi diote Hendaian dagoen migranteak atxikitzeko zentroaten aitzinean. @LaCimadePB64 pic.twitter.com/cXXhgmYn8G
— Maite Ubiria (@Maite_Ubiria) April 29, 2021
«Elkartasuna», «Errefuxiatuekin» edo «Beldur sekuritarioei ez» bezalako leloak erakutsi dituzten hainbat manifestarik.
Hendaiako herritar talde batek deituriko ekimenaren bidez, bai kanporatua izateko arriskuan den tunisiar gaztea baita joan zen astean Irunen, Bidasoa ibaiatik gertu, hilik azaldu zen migrante eritrearra izan dituzte gogoan.
Bi hilabete luze atxikitze zentroan eman ondoren, bere kasua salatzeko gose grebari ekin zion tunisiar gazteak, protesta ekimen horren baitan ezpainak josi zituela.
Bestalde, bere kanporatze prozesua gauzatzeko bidean eginarazi nahi zioten PCR testa egiteari uko egin ondoren herritar tunisiarrari bi hilabeteko kartzela zigorra ezarri zion apirilak 26an Baionako auzitegiak.
La Cimade elkarteak kasu horren harira apirilaren 22an oroitarazi zuenez ez da lehen aldia azken hilabeteetan administrazioak osasun neurriak migratzaileen egoera oraindik ere gordinagoa bilakatzeko baliatzen dituela. Horrendako, elkarte horrek frantses Gobernuari eskatu dio «atzerritarren aurkako neurrigabeko errepresioarekin bukatzeko».
Santiago zubiraino eraman dute protesta
«Hau ez da kasu isolatu bat, gure eskualdean etengane ikusten ditugu horrelakoan, eta modu oso gordinean gainera» salatu du gaur Hendaian ekimena antolatu duen herritar taldeak.
Ildo beretik «frantziar eta espainiar estatuak, Europar Batasuna eta beren indar armatuak» arrefuxiatuek pairatzen duten egoera krudelaren erantzule egin dituzte frantziar Poliziak gertutik jarraitu duen protesta ekimenaren bidez.
«Guri dagokizu muga inposatu eta arraziata hau haustea Euskal Herria harrera herria izan dadin betiko» adierazi ondoren atxikitze zentroa atzean utzi eta manifestazioa egin dute Santiago zubiraino.
Kontrol iraunkorra atxikitzen duten polizien aurrean «muga arrazista» desagertzea eskatzen zuen banderola utzi dute jarrita zubian ondoren ekimenari amaiera emanez.
Santiago zubiraino eraman dute gaur hendaiarrek muga arrazistaren.salaketa. pic.twitter.com/BUXaSirBO9
— Maite Ubiria (@Maite_Ubiria) April 29, 2021
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Bilbo](/media/asset_publics/resources/001/147/134/article_thumb_horizontal/bilbo.png)
La Policía Municipal de Bilbo retira pancartas y banderas palestinas; al menos 4 identificados
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)
Detienen a un ertzaina en Donostia acusado de intentar matar a su mujer con un cuchillo
![I1](/media/asset_publics/resources/001/147/611/article_thumb_horizontal/i1.jpg)