Gutxitan izaten dute bi anaiek lehen mailako txapelketa bat elkarrekin jokatzeko aukerarik, are gutxiago txapela elkarrekin janztekoa eta izandako lehen aukerari ez diote ihes egiten utzi Peio eta Bixente Larraldek eta 2021eko Berezkoen Txapelketa irabazi dute, Intxauspe eta Gixanduti 40-28 irabazita, Baionako Modernen jokatu den finalean. Iaz bakoitzak bere aldetik lortutako garaipenak, aurrelariak lehen mailan eta bigarrengoan atzelariak, batera lortzeko modua izan dute hazpandarrek. Bosgarren txapela du Peiok, lehena lehen mailan Bixentek.
Lehiaketa aurkeztu zen egunetik txapela janzteko faborito handienetakoak ziren Larraldetarrak eta azkenerako pronostikoak betetzea lortu ahal izan dute, ez ordea sufrimendurik gabe. Finalerdietan Darmendrail-Lamberten aurka asko sufritu ostean (40-38 nagusitu ziren), Intxauspe eta Peio Gixandutek ere ez dizkiete gauzak batere erraz jarri, batez ere partidaren lehen erdian, Baionako Modernen jokatutako finalean.
Lehen mailako lehen finala zuen gaurkoa Bixente Larraldek eta kosta egin zaio partidan sartzea. Eskarmentu hori eta finalerdietako partida jokatu behar izanak emandako freskotasuna probestu dute Intxauspek eta Gixandutek lehen abantailak lortzeko eta markagailuan aurretik heldu dira lan erdietara, beti ere alde ez oso handiekin.
Baina Larraldetarrek gora egin dute hortik aitzina, Peiok finalari eusteko gaitasuna izan du hasierako krisi momentuetan eta anaia gazteari behetik gora etortzen lagundu dio. Boteekin ere asmatu du Peio Larraldek, azkenerako 9 tanto egin ditu lehen pilotakadarekin eta bakar bat ere ez Intsauspek eta jokoa erabat aldatu finalaren amaieran eta merezitako garaipena eskuratu dute hazpandarrek.
![Raimundoelcanastero2022](/media/asset_publics/resources/001/051/685/article_thumb_horizontal/raimundoelcanastero2022.jpg)
UPN sigue forzando la máquina contra Raimundo el Canastero: cuatro citaciones más en Lizarra
![Exezarraga_eta_galdos](/media/asset_publics/resources/001/149/031/article_thumb_horizontal/exezarraga_eta_galdos.jpg)
Mueren dos montañeros guipuzcoanos, de 26 y 27 años, en el Mont Blanc
![0822_jaia_paya](/media/asset_publics/resources/001/148/369/article_thumb_horizontal/0822_jaia_paya.jpg)
El desembarco de Guggenheim Urdaibai bien vale una Campana
![Mani](/media/asset_publics/resources/001/149/003/article_thumb_horizontal/mani.jpg)
Bilbo reivindica en ambiente festivo que la vuelta a casa de los presos sea una realidad
![Captura_de_pantalla_2024-08-25_a_las_14.19.11](/media/asset_publics/resources/001/149/394/article_thumb_horizontal/Captura_de_pantalla_2024-08-25_a_las_14.19.11.png)