![Prekarietatearen aurkako mobilizazio bat Bilbon. (Marisol RAMIREZ/FOKU)](/media/asset_publics/resources/000/806/980/article_main_landscape/Prekarietatea.jpg)
Ermuko Udalak Enplegu Zentroko informazio zerbitzua itxi ostean, sindikatuek, alderdi politikoek eta beste hainbat eragilek manifestazioa deitu dute hilaren 18rako, Udaletxe aurrean prekarietatea salatzeko eta kalitatezko zerbitzuak aldarrikatzeko.
Zehazki, LAB, ESK, ELA, EH Bildu, Elkarrekin, Zipriztintzen, Ermuko emakumeen asanblada, Ermuko Gazte Asanblada, NÜ SHU Gazte Feministak, Urko-Punta ONG, Komite Internazionalistak, Ermuko Zaldibar Argitu, Ermua Harrera, Ernai eta Argilan-ESK taldeek deitu dute manifestazioa. 18.30ean Ermuko plazatik abiatuta.
Ohar baten bidez salatu dutenez, pandemiak eragindako osasun, ekonomia eta gizarte krisiaren ondorioz, «pobrezia-arriskua nabarmen handitzen ari da biztanleriaren ehuneko handi batentzat» eta, krisi testuinguru horretan, Udalak Enplegu Zentroko informazio-zerbitzua «desegitea» erabaki du.
Zerbitzu horren zeregin nagusia informazioa ematea, aholkua ematea eta laguntzea zen, batez ere, honako prestazio hauekin lotutako izapideetan: diru-sarrerak Bermatzeko Errenta, Gizarteratzeko Gutxieneko Errenta, Gizarteratzeko Errenta edo Gutxieneko Laguntza.
«Enplegu-zentroko informazio-postuak, modu batean edo bestean, 20 urte baino gehiago daramatza lanean, eta lehen mailako arreta-zerbitzu oro hobetu badaiteke ere, uste dugu udalerriko herritarren sektore garrantzitsu bati laguntzeko lan bikaina egin duela urte hauetan guztietan, batez ere egoera ahulenean dauden pertsonei laguntzeko», gaineratu du.
Hori dela eta, manifestazioa egingo dute zerbitzu hori desegin izana salatzeko, baita Udaleko langile bat kaleratu izana salatzeko ere.
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![0811_eh_pavel](/media/asset_publics/resources/001/145/092/article_thumb_horizontal/0811_eh_pavel.jpg)
Polonia mantiene abierta la investigación contra Pablo González y podría juzgarlo en rebeldía
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)