![Subilla Gasteizen dagoen putzuaren argazkia. (Raúl BOGAJO/FOKU)](/media/asset_publics/resources/000/778/986/article_main_landscape/Captura_de_pantalla_2021-03-04_a_las_6.31.36.png)
EH Bilduk salatu duenez, Lakuako Gobernuak, Shesaren bitartez, aurrera jarraitzen du Armentia-2 gas putzuaren jarduera lizentzia ukatzeagatik Gasteizko Udalaren aurka jarritako administrazioarekiko helegitearekin. Talde subiranistarean esanetan, hala ziurtatu du Udal Aholkularitza Juridikoko arduradunak.
Ohar batean EH Bilduk gogoratu duenez, Klima Aldaketaren eta Trantsizio Energetikoaren Legea onartu ostean, Arantxa Tapia Ekonomiaren Garapen, Jasangarritasun eta Ingurumeneko sailburuak esan zuen «zentzurik ez» duela lurpean gasa esploratzen jarraitzeak, «baina, egia esan, EAJk, SHESAren bidez, ez du amore eman».
«Gauza bat esan eta kontrakoa egiten dute. Esaten zuten ez zutela aurrera jarraituko gasaren esplorazioarekin eta, hala ere, aurrera jarraitzen dute helegitearekin. EAJren enegarren engainua da, eta beste behin ere bere obsesio gasistikoak inposatu nahi dizkio arabarren borondateari», adierazi du Amancay Villalba EH BIlduko zinegotziak.
«Nahiz eta Tapiak promesak egin, egun Gasteizko Udalak beste lehentasun batzuetara bideratu beharko lituzkeen denbora eta baliabide propioak gai honetarako kontsumitzen jarraitzen du», gaineratu du.
Ekainaren 9an, EH Bilduk Shesak aurkeztutako errekurtsoa aztertzeko eskatu zien alkateari eta Udal Aholkularitza Juridikoari. «Baina, bai Urtaranek bai Aholkularitza Juridikoak ukatu diote udal talde honi aipatutako dokumentua ikustea», azaldu dute, eta «gardentasun falta» salatu. Hurrengo Klimaren aldeko Ekintza Batzordera gaia eramango duela iragarri du.
![Echavarri](/media/asset_publics/resources/001/151/291/article_thumb_horizontal/echavarri.jpg)
Nueva dimisión en las filas de UPN: María Echávarri deja de ser concejala en Iruñea
![Ernai_arraunlariak](/media/asset_publics/resources/001/152/215/article_thumb_horizontal/ernai_arraunlariak.jpg)
Arraun munduko 100 bat kidek bat egin dute iganderako Ernaik deitutako mobilizazioarekin
![Lindane](/media/asset_publics/resources/001/153/115/article_thumb_horizontal/lindane.jpg)
El acoso machista en redes a Ane Lindane deriva en una petición para aplicarle la Ley Mordaza
Biarritzen irekiko du Muguruzak nazioarteko bira, anaia Iñigoren omenezko kontzertuarekin
![Arnaldo](/media/asset_publics/resources/001/153/497/article_thumb_horizontal/arnaldo.png)