2018ko Kontxako Banderatik kasik hiru urte pasa diren honetan, gizonezkoen irabazlea airean dago. Duela urtebete, Urdaibaik helegitea jarri zuen EAEko Justizia Auzitegi Nagusian, Donostiako Udalak jarritako zigorraren aurka.
Kontxa Bandera hartan, Bermeoko ontziak Zierbenakoari abordaia egin ziolakoan, 15 segundorekin zigortua izan ziren bermeotarrak eta hala, azken postuan bukatu zuten txapelketako lehen jardunaldia.
Erabaki horren aurrean, Urdaibaik helegitea aurkeztu zuen lehendabizi txapelketako batzordean eta hau baliogabetzat jo ostean, EAEko Justizia Auzitegi Nagusira bideratu zuen auzia. Duela urtebete argitara atera zen epaiak arrazoia eman zion.
Epaia jakin berritan, Donostiako Udalak auzi hau Espainiako Auzitegi Gorenera eramatea erabaki zuen eta asteazken honetan Kontentziosoko Epaitegiak arrazoia Urdaibari eman dio; hau da, EAEko Justizia Auzitegiaren erabakia berresten du.
2018. urteko Kontxako Banderaren edizioa, Hondarribiak irabazi zuen –bai behin-behinean, behintzat–, bigarren jardunaldian Zierbenarekin izandako lehia estu baten ondotik bi jardunaldietako denbora onena erdietsita. Urdaibaren zigorra eta nahaspila guztia, lehen jardunaldian gertatu zen eta beraz, bermeotarrei ez zien ezertarako balio izan bigarren jardunaldian denbora onena egin izanak.
Ikusi beharko da Espainiako Auzitegi Gorenaren epaiaren ostean, zein ibilbide jarraitzen duen auziak.
Pradales invita a Muguruza a un debate «honesto» tras la polémica por su actuación en Martutene
Modifican el memorial de Bilbo para denunciar que Cabacas fue «asesinado por la Ertzaintza»
El Parlamento Europeo no ovacionó el lanzamiento de misiles estadounidenses contra Rusia
Suspenden el Maratón de Donostia por las fuertes rachas de viento
