Oraingo NAIZeko harpidedun eta irakurle askotxo orduan ez zen jaioa. Bizi izan genuenontzako eguna betirako gogoan iltzaturik geratu da. Sanferminak bukatu berriak zirela, gaur bezalako egun batean, 1998ko uztailaren 15ean, Baltasar Garzonen aginduz itxi zituen Poliziak ‘Egin’ egunkaria eta Egin-Irratia, bai eta haren arduradunak atxilotu ere. Bidegabeki, gero Entzutegi Gorenak berak onartu zuenez. Ondasuna, gainera, galtzen utzi zuten, epai-administrazioaren utzikeria zela medio.

Iraganeko kontua zela pentsa liteke, pentsatu nahiko genuke agian, baina ez da. Orainaldiarekin oso lotura zuzena du oraindik orduan egindakoak. Hiru seinale: aurten bidegabeki bizkarreratu zaion ‘Egin’eko zorra guztiz kitatzea lortu du GARAk, herri sostenguari esker (hiru milioi guztira); martxoan hil zen Pepe Rei, ‘Egin’en idazteagatik bortizki jazartua izan zen kazetaria, laudorio eta maitasun adierazpen asko jasoaz; eta une honetantxe ‘dena da ETA’ oinarri duen enegarren epaiketa ari da burutzen Auzitegi Nazionalean, 13/13 delakoa.

Sare sozialetan argi gelditu da ostegun honetan, goizean goizetik, ‘Egin’i Aznarren Gobernuaren bultzadaz egindakoa ez dela ahaztu. 1998ko sarekada horren ostean luzatu den errepresio eta espolioaren kate honi errepatu dio batek baino gehiagok.

#GaurkoEgunez duela 23 urte B.Garzon epaileak zuzenduriko operazioan Egin egunkaria eta irratia itxi ziren.Geroago, akusazio hori ustela zela frogatu zen.
21 urte beranduago,
@garanet-k 3 milioi eurotik gora ordaindu behar izan zizkion Gizarte Segurantzari Egin-en zorragatik. pic.twitter.com/MFuM4geLmK

— Gasteiztar (@Gasteiztar1) July 15, 2021

Jose Maria Aznar orduko Espainiako presidenteak honela aldarrikatu zuen operazioa, Turkiatik: «Ez ginela ausartuko uste al zuen?». Adierazpen askatasunaren aurkako erasoa bere gain hartzeaz gain, harrokeriaz egin zuen PPko ordezkariak. Gaur, ia mende laurdena pasata, itxiera hura Estatu espainolaren demokrazia mailaren adierazle dela nabarmendu dute batzuk:

El 15 de julio de 1998 la dictadura cubana cerró el diario EGIN... ah no, vaya lío tengo. Fue la democracia plena española y tal y cual. pic.twitter.com/gbZZ0N8LiC

— Lander  ✊ (@Landerlandia) July 15, 2021

Hori dena bihurgunez beteriko agertoki batean gertatu dela gogoratu du Eva Aranguren kazetari eta zinegotzi ohiak:

Verano duro e intenso para nuestro pueblo. La esperada sentencia del Supremo sobre los GAL, que rehuyó su consideración como banda armada, el cierre de Egin... Terminó en septiembre con el Acuerdo de Lizarra Garazi y la tregua d ETA. Recién terminado Periodismo, difícil d olvidar https://t.co/jx4TbNqu8f

— Eva Aranguren (@EvaAranguren1) July 15, 2021

Mezu askotan maitasunez begiratzen zaie ‘Egin’ eta Egin-Irratia. Fermin Muguruzak, esaterako:

Sekulako ilusioarekin sortu genuen Egin Irratia 1989an.
10 urte betetzear zuela Estatu Espainolak itxi egin zigun Egin egunkariarekin batera.
Gaur duela 31 urte, 1998an.#HitzEgin pic.twitter.com/J42uuVs2q3

— Fermin Muguruza (@muguruzafm) July 15, 2021

Gaur beste bost. 23 urte Egin itxi zutenetik. Egunkari hark eta bertako langile guztiek herri honetan utzitako orbanaz harro. https://t.co/ujn5RUTgg4

— Lander Iruin (@iruintxo) July 15, 2021

Un dia como hoy como no acordarme de ti Isidro, que te comiste 8 años de carcel por ser uno de los impulsores de #EGIN #milaEsker pic.twitter.com/d5CK7GcV8M

— @ErreHarria #ANkerkeriariSTOP (@Erreharria1) July 15, 2021