Albistea asteazkenean atera zen. Lysa Tchaptchet nafarrak Elx utzi eta Norvegiako Vipers taldean jokatuko du. Bere agurraz jakinarazi zuen orain arte bere kluba izan denak ohar batean eta eskerrak eman zizkion: «Esker onak besterik ez ditugu; izan ere, Beti Onak taldetik etorri zenetik, Carrus Arena zaharrean jokatutako partida bakoitzean berarekin disfrutatu dugulako. Gogoratu behar diogu Elx beti bere etxea izango dela eta behar duenerako hemen egongo garela».

“DeporteCienporCien” eskubaloian aditua den webguneak lehenago aurreratu zuenez, 19 urteko pibotak Norvegiako Vipers Kristiansand taldean jokatuko du aurrerantzean, eta bertan Nerea Pena nafarrarekin arituko da.

Albistea atera eta gutxira, orain arte bere entrenatzaile izandako Joaquin Rocamorak hitz polit batzuk izan zituen beretzat Twitter bidez. Eta Tchaptchetek berak erantzun egin zion, bere agurra konfirmatuz.

Muchísimas gracias por la oportunidad que me diste y por estos años,han sido muy guays,elche siempre sera mi casa 殺pd:ya nadie mas te hara morritos https://t.co/i7l38cSjtc

— LYSA TCHAPTCHET (@lysatcd) October 20, 2021

Tchaptchetek Espainiako selekzioarekin jokatu du dagoeneko eta gainera Kopa eta Superkopako txapeldun izan da Elxerekin. Ohorezko Mailako piboterik onena izendatu zuten iazko denboraldian.

Tchaptchet 2001eko abenduaren 21ean Kamerungo Yaounden herrian jaiotako kirolaria da. Urte gutxitara, pibotea, bere familiarekin batera, Atarrabiara joan zen bizitzera eta Beti Onak taldean hazi zen jokalari bezala. Nafarroako selekzioarekin ere jokatu izan du gaztaroko urteetan.

Nafarroako Eskubaloi Federazioak albistea zabaldu zuen baita ere sare sozialetatik.

Lysa Tchaptchet @lysatcd deja Elche @cbm_elche y ficha por el actual campeón de Europa, @VipersKrSand Vipers Kristiansand ¡Enhorabuena! @FNBalonmano @RFEBalonmano pic.twitter.com/KDxNyW3dm8

— Federación Navarra de Balonmano (@FNBalonmano) October 20, 2021