![Recep Tayyip Erdogan presidente turkiarra, irudian.](/media/asset_publics/resources/000/867/379/article_main_landscape/ERDOGAN.jpg)
Sedef Kabas kazetari turkiarra atxilotu dute larunbat honetan, Recep Tayyip Erdogan Turkiako presidentea iraintzea egotzita, solasaldi politiko batean «ganadua Jauregian sartzen denean ez da errege bihurtzen, baizik eta jauregia ukuilu bihurtu» esaera erabiltzeagatik.
Kabasen abokatuak baieztatu du sare sozialetan kazetariaren aurkako atxiloketa eta karguen aurkezpena.
Atxiloketa Fiskaltzak eskatu du, elkarrizketatzaile ospetsua den kazetariak sare sozialetan eta gobernuaren aldeko hedabideetan haren aurkako eraso kanpaina bat izan ondoren.
Presidentearen kudeaketa aztertzen ari zen solasaldi horretan, kazetariak beste esaera bat erabili zuen, Erdoganen izena edo haren kargua espresuki esan gabe. «Koroatutako buru bat jakintsuagoa izango da» esan zuen, «baina ikusten dugu ez dela egia», erantsi zuen kazetariak, eta Fiskaltzak estatuburuaren aurkako erasotzat jo du.
Atxiloketaren aurretik, Abdulhamit Gul Justizia ministroak gaitzetsi egin zituen «presidenteari esandako hitz itsusiak», eta ohartarazi zuen «gorrotozko adierazpen horiek Justiziaren aurrean aurkituko dutela erantzuna».
Azken urteotan, herritar asko zigortuak izan dira presidentea iraintzeagatik, batzuetan Erdoganen izena ere aipatu gabe besteren testuak sare sozialetan zabaltzeagatik.
![0908_eko_mecaner](/media/asset_publics/resources/001/152/879/article_thumb_horizontal/0908_eko_mecaner.jpg)
La lucha de GKN inspira el proceso de transición ecosocial en Mecaner
![Naiznandocruzh](/media/asset_publics/resources/001/153/253/article_thumb_horizontal/NAIZnandocruzH.jpeg)
«El capitalismo ha engullido los festivales con voracidad fulminante»
![Arnaldo](/media/asset_publics/resources/001/153/497/article_thumb_horizontal/arnaldo.png)
UPN coloca una pistola a Arnaldo Otegi en un fotomontaje y luego lo retira
![Vinicio](/media/asset_publics/resources/001/154/378/article_thumb_horizontal/vinicio.jpg)
Movilizaciones y denuncia de negligencia tras la muerte del joven Vinicio Portillo en Donostia
![Palaceta_algorta](/media/asset_publics/resources/001/155/107/article_thumb_horizontal/palaceta_algorta.jpg)