![Eslovakiako Eskubaloi Federazioak gaur bertan aurkeztu du Jorge Dueñas, irudian eskuinean.](/media/asset_publics/resources/000/871/134/article_main_landscape/Jorge-Duen%CC%83as.jpg)
Jorge Dueñas bilbotarrak badu talde berri bat entrenatzeko. Taldea baino, selekzio bat: Eslovakiakoa. Prestatzaile bizkaitarrak 2024ko abenduaren 31a arte sinatu du kontratua bertako selekzioarekin eta gaur bertan aurkeztu dute Bratislavan.
Dueñasek helburu zehatz bat izango du: Eslovakia Europako Txapelketako fase finalera sailkatzea. Datorren azaroan ospatuko da txapelketa hau Eslovenia, Ipar Mazedonia eta Montenegron.
Horretarako, Eslovakiako selekzioak 5. multzoko lehen bi postuen artean amaitu beharko du, eta bertan oso ondo ezagutzen duen Espainia egongo da ere. Iragan urrian, Antequeran, Espainiako selekzioak garaipena erdietsi zuen Eslovakiaren aurka (33-28).
Jokalari bezala Arraten edota Valladoliden aritu ostean, Jorde Dueñasek entrenatzaile bezala hasi zuen bere ibilbidea Arraten bertan eta Zuazon ondoren.
Hala ere, arrakasta handiena selekzioekin iritsi ziren. Bereziki, Espainiako emakumezko selekzioarekin (2007tik 2017ra bitartean). Talde horretako hautatzailea zela, 2012ko Londreseko Olinpiar Jokoetan brontzea lortu zuen, 2008ko eta 2014ko Europako Txapelketetan zilarrezko bi domina eskuratu zituen eta 2011ko Brasilgo Mundialean beste brontze bat irabazi zuen.
“Guerreras” taldetik irten ostean, Brasilgo selekzioa gidatu zuen eta Tokioko Olinpiar Jokoen ostean agur esan zuen.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
El ‘número dos’ de la Ertzaintza insulta a una persona que grababa un arresto en Polonia
![Bidasoa-irla](/media/asset_publics/resources/001/142/169/article_thumb_horizontal/bidasoa-irla.jpg)
Traspaso de poderes en el condominio más pequeño del mundo, la Isla de los Faisanes
![Gernika](/media/asset_publics/resources/001/142/419/article_thumb_horizontal/gernika.jpg)