Athleticek Kopako finalerdietako joaneko partida jokatuko du gaur gaueko 21.30etatik aurrera San Mamesen Valentziaren aurka. Ohikoa izaten den bezala, giro berezia egongo da Bilboko kaleetan norgehiagokaren hasiera gerturatu heinean. Bartzelonaren aurkako kanporaketan egin zen moduan, Iñigo Cabacas Herri Harmailak kalejira antolatu du. 19.30etan jarri dute hitzordua Kirrulin eta bengalarik ez pizteko deia egin dute, Ertzaintzak isunak jartzen baitizkie antolatzaileei zein bengala daraman pertsonari.
Real Madrilen kontrako partidan Ertzaintzak debekatu egin zuen Iñigo Cabacas Herri Harmailak Athleticen autobusari egin nahi zion ongi etorria. Hala ere, jende andana hurbildu zen animoak ematera. Ziurrenik ere iluntzean berdina gertatuko da. Kalejirak berriz, Bilbo erdiguneko kaleak zeharkatuko ditu eta San Mames inguruan amaituko da.
GOAZEN ATHLETIC SEGI JO TA KE! pic.twitter.com/2ABvFSw5LR
— I.C Herri Harmaila (@ICHHarmaila) February 9, 2022
Erika 17 denboraldi, 414 partida
Athleticek jakinarazi duenez, partidaren hastapenean omenaldia egingo zaio Erika Vazquezi. Emakumezkoen taldeko futbolaria partida gehien jokatu dituen zuri-gorria da. Atletico Madrilen kontrako garaipenean hasieratik jokatu zuen eta 414 partida daramatza Athleticekin. Eli Ibarra gainditu zuen ranking-ean. Igandean Bartzelonaren kontra Lezaman jokatuko den partidan ere omenaldia egingo zaio.
Aurrelari nafarrak 39 urte beteko ditu datorren otsailaren 16an eta 17 denboraldi egin ditu Athleticen jokatzen. Lagunak taldetik iritsi zen 2004/05 denboraldian. Aldi berean, Erika emakumezkoen taldeko golegile nagusia da. 263 gol egin ditu. Sekulako zenbakiak dira. Athleticen historian Zarrak bakarrik egin ditu gol gehiago, 335 sartu zituen 354 partidatan.
Konparaketa bat egitearren azken bi hamarkadetan Athleticen aritu diren jokalarien artean Aritz Aduriz da gol gehien egin dituena. 172 egin zituen aurrelari donostiarrak 407 partidetan. Urzaizek esaterako 129 lortu zituen 419 norgehiagokatan eta Llorentek 118 egin zituen 333 partidetan. Bestalde, Julen Guerrerok 116 gol sartu zituen 430 norgehiagokan eta Etxeberriak 104, 514 partidetan.
Erika hasierako hamaikakoan izan zen Atleticoren kontrako garaipenean. (Monika DEL VALLE / FOKU)
Hugo Guillamón y Cillessen se pierden las semifinales de Copa en San Mamés
Primer asalto en San Mamés por la final de Copa frente al áspero Valencia de Bordalás
El Athletic no ha perdido en los 13 partidos en los que ha participado Vivian esta temporada
Iñigo Martínez lidera a un Athletic cada vez más efectivo ante la portería contraria
Ander Capak Athleticekin kontratua luzatzeko itxaropena izaten jarraitzen du
El estilo del Valencia de Bordalás se le atraganta al Athletic en San Mamés (1-1)
Un perfil que vincula solidaridad con inseguridad, ¿quién está tras la concentración de Egia?
«Urteak daramatzat etxean lan onak egiten, eta plazan erakutsi nahi nuen noizbait behintzat»
Más de 60 bomberos vascos parten «por fin» hacia València
Gritos de «fuera» y barro contra la comitiva encabezada por el rey español en Paiporta
