08 ABR. 2022

NAIZ

Gipuzkoak hartu du lekukoa

Gauerdia baino minutu batzuk lehenago sartu zen Korrika Gipuzkoan, Mutriku zapalduta. Urola Kostan aurrera egin eta ondoren barnealderako bidea egingo du, lekukoa eskuz esku eraman asmoz. Aurten omendutako Pirritx, Porrotx eta Marimototsek Lasarte-Orian egin dute kilometroa.

Pirritx, Porrotx eta Marimotosek Lasarten heldu diote lekukoari. (AEK)

2028.kilometroan lekukoa esku batetik bestera aldatzen, Billabonatik Irurako bidean. — 2028.kilometroan lekukoa esku batetik bestera aldatzen, Villabonatik Irurako bidean. (AEK)

Azpeitian jendetza batu zaio Korrikari. (Jon URBE | FOKU)

Andoaingo Buruhandien Konpartsak harrera beroa egin dio euskararen olatuari. (AEK)

Tolosan ehundaka pertsona batu dira Korrikari ongi etorria emateko. (Gotzon ARANBURU | FOKU)

Korrikarekin batera irribarreak iritsi dira. — Korrikarekin batera, irribarreak iritsi dira. (Jon URBE | FOKU)

Harro hartu dute lekukoa andoaindarrek. (Jon URBE | FOKU)

Jende askok erakutsi dio babesa Korrikari 2017.kilometroan. (Jon URBE | FOKU)

Apurka-apurka bidean aurrera doa Korrika. (Jon URBE | FOKU)

Ilusio deskribaezinaz jaso dute lekukoa Azpeitian. (Jon URBE | FOKU)

Lasterka zein gurpil gainean, nork bere erara hartu du parte Korrikan. (Jon URBE | FOKU)

Euskararen olatuko 2062.kilometroa, Azpeitian. (Jon URBE | FOKU)

Tipi-tapa tipi-tapa aurrerantz doa Korrika. (Jon URBE | FOKU)

Azpeitian saltoka jaso dute euskararen aldarria. (Jon URBE | FOKU)

Gipuzkoa da Korrikaren gaurko protagonista. Euskararen aldeko lasterketa igandean Donostian amaituko bada ere, ostirala ere lurralde berean emanen du, lekukoa herriz herri eramanez.

Gauerdian sartu da Mutrikutik eta Deba, Itziar, Zestoa, Zumaia edo Zarautz bezalako herrietan izan du hitzordua goizaldean zehar.

Zelako giro beroa Deban! Itzel!
Deba ere euskararen alde! pic.twitter.com/HVRPSW6Ohi
— AEK (@AEK_eus) April 7, 2022

Lasarte-Orian une berezia izan du Korrikak ere. Txikien eta ez hain txikien gozamenerako, aurten omendutako Pirritx, Porrotx eta Marimototsek hartu dute-eta lekukoa. Herrian bertan, gainera, ekimenak 2.000. kilometroa bete du, azken txanpan sartuz.

Hau izan da Pirritx, Porrotx eta Marimotosek lekukoa hartu duten unea #Lasarte n! Ilargira eta buelta maite zaituztegu, @Katxiporreta! Bihotza, eskua, burua, sentitu, pentsatu eta ekin! #Hitzekin #KORRIKA 1/2 pic.twitter.com/uNAqs8J2iI
— AEK (@AEK_eus) April 8, 2022

Andoaindik igaro denean ere jendetza zuen zain Korrikak.

Euskaraz egitea gure nahia eta eskubidea delako, eta ez burugogorkeria; #Andoain go buruhandiak ere euskararen alde!#Korrika #HitzEkin pic.twitter.com/XtvufU92ad
— AEK (@AEK_eus) April 8, 2022

Villabona, Anoeta, Irura, Tolosan ere harrera beroa egin diote.

Aupa #Tolosa ! A zer harrera eta jendetza! Anjel Mari Peñagarikanok ere hartu du lekukoa! #KORRIKA #Hitzekin pic.twitter.com/RPutMmbsb8
— AEK (@AEK_eus) April 8, 2022

#Errezil , bagatoz! Errez goaz, eta zuekin are hobeto! #Hitzekin #KORRIKA pic.twitter.com/2fDMuhmRW7
— AEK (@AEK_eus) April 8, 2022

Errepide zein bidegorrietatik igarota, Korrikak ez du etenik. Ongi etorri jendetsua eman diote Urretxun euskararen olatuari.

#Urretxu-n da #KORRIKA! Jendetza, erraldoiak eta musikariak! Harrera bikaina! #Hitzekin pic.twitter.com/mDW5S0ek34
— AEK (@AEK_eus) April 8, 2022

Ormaiztegiarrek ere ez dute euskararen aldeko lasterketa galdu izan nahi.

#Gabiri pasatu eta #Ormaiztegi-n da #KORRIKA! Kolorez jantzi dute euskararen aldeko aldarria! #Hitzekin pic.twitter.com/oFYmbi3dnC
— AEK (@AEK_eus) April 8, 2022

Goierrin zehar aurrera eginez, Idiazabalen ere jende asko bildu du lasterketak.

#Korrika Idiazabalen. Plaza paretik alkatea lekukoarekin pic.twitter.com/euM9idyF0e
— Ion T. Barrena (@iontelleria) April 8, 2022

Tamalez, euriak zertxobait itsusitu arratsaldearen azken partea. Baina ez ditu euskaltzaleak kokildu, milaka batu zaizkiolako lasterketari Beasainen, Ordizian, Legorretan, Altzon... Beasainen joaldunek zabaldu diote bidea Korrikari, une erakusgarrian.

#Beasain-en sartu berri da #KORRIKA joare doinuen laguntzarekin! Jendetza batu da euskararen aldeko aldarrira! Ttipi-ttapa, ttipi-ttapa! pic.twitter.com/Evs0KmJ7ri
— AEK (@AEK_eus) April 8, 2022

#Ordizia n ere bildu da jendetza #Korrika ra!
Ikaragarria izaten ari da; #HitzEkin , bai, baina hitzik gabe uzten gaituzue! pic.twitter.com/No7zYE5sKV
— AEK (@AEK_eus) April 8, 2022

Eta Beasandik ere mezu xume baina hunkigarru hau bidali dio korrikalari txiki honek bere ama Lierni Armendarizi, Martutenen preso dena:

Guztiek ezin dute ama edota aita|rekin #korrika egin eta hurbilago bada ere, oraindik urrun dira

Mezu hunkigarria bidali dio Aiur|ek #Beasain|enetik bere amatxo Lierni Armendariz|i #Martutene|ra iritsiko dira ume motxiladunak maitasun osoz bidalitako hitz goxoak@HamaikaTb pic.twitter.com/9kVvVeUAZ1
— Aiara de Urreta Gabikagogeaskoa (@AiaraGBK) April 8, 2022

Berastegi igarota, larunbateko lehen minutuetan berriz ere Nafarroa iparraldean sartuko da lasterketa. Atzo bezala, gauerdi aldera gertatutako da herrialde aldaketa; ostegun gauean Bizkaitik Gipuzkora, eta oraingo honetan Gipuzkoatik Nafarroara, hori bai Lapurdirunzko bidea hartzeko, larunbat arratsaldean Baiona zain dago eta.