![Urdaibai jaun eta jabe izan da asteburu honetan Eusko Label Ligan.](/media/asset_publics/resources/000/916/306/article_main_landscape/urdaibai.jpg)
Ez da ezustekorik izan Coruñako banderen bigarren jardunaldian eta Oriok zein Urdaibaik bezperan ongi bideratuta utzi zituzten banderak bereganatu dituzte. Hori bai, Euskotren Ligan bigarren jardunaldia Arraun Lagunakek irabazi du eta lider ipini da. Eusko Label Ligan, aldiz, Urdaibai izan da azkarrena gaur ere eta nagusitasun osoz lortu du trapua etxera eramatea, Donostiarrak lidertza berreskuratu duen egunean.
Bandera ez du arriskuan izan Oriok
Euskotren Ligako estropadak eman dio hasiera ikuskizunari Coruñako badian. Donostia Arraun Lagunak hasieratik irten da estropada apurtzen saiatzera, 7.08 segundoko atzerapenari buelta eman behar baitzion bandera lortzeko. Gogotik saiatu dira donostiarrak joaneko luzean, baina Oriok ederki eutsi dio erritmoari eta ziabogan denbora berdina markatu dute: 5:45.
Bigarren eta hirugarren kaletik, elkarren ondoan, lehia ederra izan dute bi traineruek itzulerako luzean ere. Azkar ikusi da donostiarrek ez zutela posible izango bandera lortzea, eta beraz borroka estropada nork irabazi bilakatu da. Tosta pare bat aurretik ibili da ia beti Arraun Lagunak eta amaieran ere horrelaxe izan da: 10:56.50ko denbora markatu dute hiriburukoek eta 1.72 segundo gehiago behar izan dute oriotarrek.
Gaurko garaipenak beste sari gehigarri bat ere izan du, orain Arraun Lagunak ipini delako Euskotren Ligako lider, nahiz eta sailkapen nagusian 14 puntutara berdinduta dauden Oriorekin.
Euskotren ligako A Coruñako bandera etxera! Aupa neskak ! #nioriorekin pic.twitter.com/OJKTkaZ9PD
— Orio AE (@CRO_OrioAE) July 10, 2022
Atzeko lehian ere izan da albistea, denboraldian lehen aldiz Tolosaldeak Donostiarrari aurrea hartzea lortu duelako. Gaur 11:06.02 izan da tolosarren denbora eta 5.16 segundo sartu dizkiote donostiarrei. Sailkapen nagusian Donostiarrak bi puntuko abantaila du, baina azken postua ekiditeko borroka egon daitekeela erakutsi du Tolosaldeak.
V. Bandeira Cidade da Coruña (2)
1. Arraun Lagunak 10:56.50
2. Orio 10:58.22
3. Tolosaldea 11:06.02
4. Donostiarra 11:11.18
Euskotren Liga - Sailkapen nagusia
1. Arraun Lagunak 14 puntu
2. Orio 14
3. Donostiarra 7
4. Tolosaldea 5
Urdaibaik bitik bi Coruñan
Eusko Label Ligari dagokionez, Coruñakoa Urdaibairen asteburua izan da hasi eta buka. Bermeotarrek larunbatean lortu zuten ligako lehen garaipena eta gaur errepikatu egin dute bigarren jardunaldian, bandera ziurtatuz eta sailkapen nagusian ere beste gorakada bat sinatuz.
Bezperan gertatu bezalaxe, gaur ere Donostiarra izan da irteera indartsuena egin duena eta berea izan da denborarik onena lehen ziabogan: 5:08, aurkariei hiru segundo sartuz. Baina bigarren luzean, eta hau ere larunbatean gertatu zen, Urdaibaik egoerari buelta eman eta estropadaren burua hartu du. Bandera, beraz, ia ziurtatua zuen "Bouz Bizkaia" ontziak.
Hori bai, gaurko estropadan Donostiarrak bikain eutsi dio Urdaibairen erritmoari eta bizkaitarrek ez dute lortu inoiz estropada apurtzea. Bigarren eta hirugarren ziabogan segundo bakarreko aldea egon da Bermeo eta Donostiarraren artean. Hondarribia ere ez da urrun ibili, eta Orio izan da atzean gelditu dena.
Azken txanpan, Urdaibai sendo agertu da eta ez dio garaipenari ihes egiten utzi. 20:10.88 izan da bermeotarren denbora, Donostiarra 1.82 segundora sartu da eta Hondarribia 4.46ra. Orio, atzerago, laugarren postua ziurtatzera joan da eta lortu du, 13.62 segundora amaitu arren.
Asteburuko emaitzen ondoren, Donostiarra ipini da lider sailkapen nagusian 43 punturekin, baina Urdaibai puntu bakarrera du (42) eta 41 dituzte Oriok nahiz Hondarribiak. Bostgarren dagoen Getariak 29 dituela kontuan izanda, aurten inoiz baino azkarrago geratu da erabakita ligako ohorezko txanda.
Eta gaur ere lan bikaina egin dutenak Kaiku eta Getaria izan dira. Bigarren txandan lehia estu bezain ederra izan dute, eta azkenean Sestaokoek amaitu dute aurretik bi segundo eskasegatik. Haizea indartzen ari zela ikusita, une batez garaipenarekin ere amestuko zuten bizkaitarrek, baina ohorezko txandako ontziek argi erakutsi dute koska bat edo bi gainetik daudela.
VI. Bandeira Cidade da Coruña (2)
1. Urdaibai 20:10.88
2. Donostiarra 20:12.70
3. Hondarribia 20:15.34
4. Orio 20:24.50
5. Kaiku 20:25.72
6. Getaria 20:27.18
7. Zierbena 20:28.02
8. Ondarroa 20:32.60
9. Santurtzi 20:38.18
10. Ares 20:38.50
11. Lekittarra 20:39.70
12. Cabo 20:50.96
Eusko Label Liga - Sailkapen nagusia
1. Donostiarra 43 puntu
2. Urdaibai 42
3. Orio 41
4. Hondarribia 41
5. Getaria 29
6. Kaiku 24
7. Zierbena 23
8. Santurtzi 16
9. Lekittarra 16
10. Ares 13
11. Ondarroa 12
12. Cabo 12
Beste mailak
Hondarribiak egun perfektua sinatu du emakumezkoen ETE Ligan. Gipuzkoarrek irabazi dute Portugaleteko Banderaren bigarren jardunaldia, baina horrez gain bezperan Hibaikarekin izandako atzerapena irauli eta trapua bereganatu dute. Ez hori bakarrik, sailkapen nagusiko lidertza ere bereganatu dute, nahiz eta errenteriarrekin 48 puntutara berdinduta egon.
Hondarribiak 10:53.44ko denborarekin lortu du gaur garaipena. Bigarren Deusto izan da 4.56 segundora eta Hibaika hirugarren 6.76 segundora. Kontuan izan behar da Hibaikak 4.71 segundoko abantaila zeukala larunbatetik.
Gizonezkoen KAE2 Ligan ez da ezustekorik izan eta Lapurdi izan da garaile gaur ere 21:19.81eko denborarekin. Donostiarra B izan da bigarren 3.91 segundora eta Hibaika hirugarren 8.81era.
Portugaleteko Bandera (2)
1. Hondarribia 10:53.44
2. Deusto 10:58.00
3. Hibaika 11:00.20
4. Ondarroa 11:08.55
5. Zumaia 11:22.59
6. Hernani 11:33.82
7. Castro 11:35.06
8. Zarautz 11:40.78
9. Portugalete 12:15.53
ETE Liga - Sailkapen nagusia
1. Hondarribia 48 puntu
2. Hibaika 48
3. Deusto 42
4. Zumaia 36
5. Ondarroa 32
6. Zarautz 23
7. Hernani 22
8. Castro 12
9. Portugalete 7
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)