Covid-19aren 14 egunetako intzidentzia metatuak beherantz jarraitzen du EAEn, zehazki, 496,9 kasu izan ziren 100.000 biztanleko igande honetan. Pasa den astean ospitaleko presioa ere leundu egin da, baina 47 pertsona hil dira koronabirusarekin, uztaileko bigarren astean baino hamar gehiago.
Horrela, Lakuako Osasun Sailak emandako datuen arabera, intzidentziak aurreko astean hasitako joerari eusten dio, azken egunotan positibo kopurua jaitsi egin baita (4.072 izan dira, aurreko astean 6.828 izan ziren).
Aztertutako egunetan, uztailaren 18tik 24ra bitartean, covid-19agatik hildako pertsonen kopuruak gora egin du, eta 47ra iritsi da, aurreko astean baino hamar gehiago. Otsailaren bukaeratik eman den zifrarik altuena.
Araba, Bizkaia eta Gipuzkoako ospitaleetako egoerak hobera egin du: 26 gaixo daude ZIUn, aurreko igandean baino zortzi gutxiago, eta 550 ospitaleratu daude plantan, duela astebete baino 116 gutxiago.
R0
Kutsatutako pertsona batek zenbat lagun kutsa ditzakeen adierazten duen R0 zenbakia 0,78an kokatzen da, eta zazpi egun horietan behera egin du.
Adierazle hori desberdina da lurralde bakoitzean: Araban 0,78tik 0,83ra igo da; Bizkaian jaitsi egin da eta 0,81etik 0,79ra; eta Gipuzkoan 0,74 izaten jarraitzen du.
Cien años del primer muerto en el recorrido del encierro y algo de porno
Casi todos los incidentes imaginables se suceden en un encierro de la villavesa lento e irreal
Dos bestazales violentamente atacadas por defender a un hombre de una agresión
‘Belak mastara eta euskara plazara’ aldarriarekin ospatuko dute Donostiako Piratek Aste Nagusia
