![Ehungintzako langileen protesta, Donostiako saltoki handi baten aurrean.](/media/asset_publics/resources/000/953/135/article_main_landscape/greba.jpg)
Merkataritzako langileek greba eguna dute gaurkoa, ELAk deituta Gipuzkoan (Ehungintza), eta ELAk eta LABek Bizkaian (Orokorra, Ehungintza, Zapata eta larrugintza). Goizean goizetik aritu dira langileak piketeak egiten merkataritza zentro nagusietan eta, sindikatuen arabera, «arrakastatsua» izan da lanuztea, batez ere kate handienetan, eta Bilboko Cortefiel, Springfield, Woman Secret, Oysho, Ikks, Merkalcalzado edo Bobolik ateak itxi dituzte, besteak beste.
Hainbat hilabete daramatzate grebak egiten eta, hainbat bilera egin ostean, patronalak «bere horretan» jarraitzen duela eta langileek «soldatak izoztuta» dituztela salatu dute sindikatuek.
«Hain zuzen, enpresen mozkinek gora egiten jarraitzen dutenean, online salmentek inoiz baino gorakada handiagoa dutenean, eta lan kargak eta funtzioak biderkatzen ari direnean, lan baldintzak, ordea, gero eta okerragoak dira eta patronalaren asmoa da bajen osagarri gisa lortutako eskubideak ezabatzea, besteak beste», azaldu dute langileen ordezkariek.
#EhunarenMerkataritzaMartxan
— ELA Donostia (@ELAdonostia) November 25, 2022
Borrokak jarraitzen du, hitzarmen hau lortu arte!!
La lucha continúa, hasta conseguir este convenio!! pic.twitter.com/X9X0hy3F3j
Adierazi dutenez, langileak ez daude prest egoera hori onartzeko eta soldatak KPIaren igoeraren arabera igotzea aldarrikatzen dute. Bestalde, lan kargak arintzea eta online salmentaren ondorioz garatzen dituzten beste funtzioak aitortzea eta ordaintzea eskatzen dute.
«Gainera, azaroaren 25a den honetan, emakumeen aurkako indarkeriarekin amaitzea aldarrikatzen den egunean, azpimarratu behar da kolektibo feminizatuek sufritzen duten prekarietatea ere indarkeria dela. Bigarren mailako langiletzat hartzen dituzte eta prekaritatera kondenatu», gaineratu du ELAk
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![Bidasoa-irla](/media/asset_publics/resources/001/142/169/article_thumb_horizontal/bidasoa-irla.jpg)
Traspaso de poderes en el condominio más pequeño del mundo, la Isla de los Faisanes
![Putin](/media/asset_publics/resources/001/142/722/article_thumb_horizontal/putin.jpg)
Pablo González, libre tras dos años y medio sin pruebas en contra ni juicio
![Palestinarrak-paris](/media/asset_publics/resources/001/142/420/article_thumb_horizontal/palestinarrak-paris.jpg)