Aurten hemeretzi urte bete dira Sara Fernandez iruindarra euskal presoei ezarri zaien urruntze politikaren ondorioz hil zenetik. Hiriko patroia den San Saturnino egunarekin batera gogoratu dute, eta oraindik politika hori ez dela guztiz ezabatu nabarmendu dute.
Ehunka lagunek hartu dute parte mobilizazioan, Sara Fernandezen aurpegia erakusten zuen pankarta baten antzean. Iruñeko Alde Zaharra zeharkatu ondoren, Aldapa kalearen ondoren egin dute oroimen-ekitaldia eta aldarrikapena.
Eguraldi kaxkarra izan dute lagun (San Saturniko eguneko ospakizun ofizialak bertan behera utzi dituzte horren ondorioz). Mobilizazioko pankartak «Sara gogoan zaitugu! salbuespen neurriak eten» aldarria zeraman. Fernandez oroitzeaz gain, bere memoria eta aitortzaren aldeko elkarretaratzea izan da, urruntze politikak hildako beste senide eta lagunekin batera, eta salbuespenezko espetxe politika behingoz atzean uzteko aldarrikatu dute.
Sara, gogoan zaitugu.
— Bakartxo Ruiz (@BakartxoR) November 29, 2022
Dispertsioa behin-betiko amaitzeko garaia da. pic.twitter.com/XWkZAAuUIW
2003an hil zen Sara Fernandez auto istripu batean Valdemoroko espetxerako bidean zihola preso zegoen lagun bat bisitatzera. Ordutik, gaurko egunez egiten dute urtero mobilizazioa eta oroimen ekitaldia. Etxeraten datuen arabera, hamasei dira urruntze politikaren ondorioz hil diren presoen senide edota lagunak.
Cien años del primer muerto en el recorrido del encierro y algo de porno
Dos bestazales violentamente atacadas por defender a un hombre de una agresión
Un mes desde la desaparición de la vecina de Urruña Laure Zacchello
Descubren ‘oxígeno oscuro’ en fondos marinos, replanteando el origen de la vida
