Donostiako Udalak La Sirena aterpetxea egun batzuetan bakarrik irekitzen duela salatu du Harrera Sareak egunotan; tenperaturak oso baxuak diren arren, etxegabeak kalean lo egitera behartuta daude. Ostiralean ere ez dutela ireki salatzeko kontzentrazio zaratatsua egin dute iluntzean udaletxe aurrean.
Hortaz, La Sirena gaur gauean eta neguko egun guztietan irekita egon dadin exijitu dute eta Udalak «benetako elkarrizketa bat» izan dezala etxerik gabeko pertsonekin lan egiten duten erakundeekin, pertsonen eskura jarri beharreko baliabideei buruz.
Salatu dutenez, astebururako aurreikusita dauden tenperatura minimoak La Sirena irekita egon den egun batzuetakoa baino baxuagoa da eta «tenperatura zenbat gradu igo edo jaisten den eztabaidatzen duen gerra batean sartzea ez da onargarria» sarearentzat.
Aterpetxea itxita egoteko Udalaren justifikazioa aurrekontu falta dela diote eta hori ez dela «bidezkoa» deritzote. «Udalak onartutako aurrekontu bolumena» kontuan hartuta, La Sirenarentzat bideratu beharreko diru-kopurua oso txikia izango litzatekeela defendatu dute.
«Udalak ez du inoiz gai honi buruzko eztabaidarik sortu nahi izan eta jartzen dituzten baliabideei buruzko diskurtsoa hedabideetan bideratzera mugatzen dira. Baina, zer gertatzen da eskaintza horren kanpoan geratzen diren ehunka pertsonekin? Ez dago inoiz erantzunik horretarako», salatu dute.
Bide batez, hiriaren izaera «elitista» azpimarratu dute, «postaleko irudia» transmititu nahi duelako eta, «noski, hotzez ez hiltzeko lekurik sinesgaitzenak bilatu behar dituzten pertsona horiek guztiak ikusarazteak irudia zikintzen du».
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![Piratak](/media/asset_publics/resources/001/137/746/article_thumb_horizontal/piratak.jpg)
‘Belak mastara eta euskara plazara’ aldarriarekin ospatuko dute Donostiako Piratek Aste Nagusia
![Atristain](/media/asset_publics/resources/001/134/948/article_thumb_horizontal/Atristain.jpg)
El donostiarra Xabier Atristain queda en libertad condicional tras 13 años preso
![Keyframemugu](/media/asset_publics/resources/001/138/892/article_thumb_horizontal/keyframemugu.jpg)