![Zumarragako ospitalea. (Imanol OTEGI/FOKU)](/media/asset_publics/resources/000/765/401/article_main_landscape/Zumarraga.jpg)
ELAk salatu du Osakidetzako osasun mentaleko zerbitzurik gabe daudela Zumarragako eta Azpeitiko osasun zentroetan, horretarako profesionalak falta direlako. «Osakidetzak bizi duen egoeraren beste adibide bat da: plantillak jasaten duen prekaritatearen eta herritarrek jasaten dituzten ondorioen adibide da gero eta zerbitzu prekarioagoa baita, kasu honetan bezala», adierazi du sindikatuak ohar batean.
ELAren arabera, irailaren 30era arte, eskualdean haur psikologo bat zegon eta ordutik Gipuzkoako Osasun Mentaleko Sarearen Zuzendaritzak hilean zortzi egunetan bakarrik joango zen haur psikiatra batekin zerbitzu hori ordezkartzea erabaki zuen. Aldi baterako kontratu hori urtarrilarekin batera amaitu zen, oharrean dionez.
«Haurren osasun mentala desagertzearen aurrean, egoerarekin oso kezkatuta daude oinarrizko gizarte zerbitzuak, ikastetxeak eta osasun zentroko pediatrak, haien eguneroko lana eta eskualdeko haurren osasun mentala okertzen eta zailtzen dutelako», gehitu du ELAk.
Hori dela-eta, sindikatuak berretsi du «profesionalen gabezia loturik dagoela lan baldintzei». «Egon badaude profesionalak; ez dagoena da lan baldintza duinik. Behin-behinekotasun handia (%50etik gorakoak), lanaren gainkarga sistematikoa, ordezkapen eza edo erosahalmenaren galera etengabea ari dira sufritzen», salatu du.
Egoera horren aurrean, herritarrak «gero eta gehiago» osasun pribatura jotzen ari direla ohartarazi du. «Gipuzkoan, mediku aseguru pribatuen kontratazioa %8 handitu da pandemiatik, eta 2021ean beste inon baino mediku aseguru gehiago sinatu ziren azken hamarkadan», azpimarratu du.
![Echavarri](/media/asset_publics/resources/001/151/291/article_thumb_horizontal/echavarri.jpg)
Nueva dimisión en las filas de UPN: María Echávarri deja de ser concejala en Iruñea
![Lindane](/media/asset_publics/resources/001/153/115/article_thumb_horizontal/lindane.jpg)
El acoso machista en redes a Ane Lindane deriva en una petición para aplicarle la Ley Mordaza
![Naiznandocruzh](/media/asset_publics/resources/001/153/253/article_thumb_horizontal/NAIZnandocruzH.jpeg)
«El capitalismo ha engullido los festivales con voracidad fulminante»
![Antzar-eguna](/media/asset_publics/resources/001/153/331/article_thumb_horizontal/antzar-eguna.jpg)
Ehundik gora potinek parte hartu dute Lekeitioko Antzar Egunean
![Arnaldo](/media/asset_publics/resources/001/153/497/article_thumb_horizontal/arnaldo.png)