Koldo Mitxelena Kulturuneak marka-irudi eta web orri berria aurkeztu ditu astearte goiz honetan. Irisgarritasuna hobetzeko helburuarekin, diseinu berriak erakundeak kulturarekin, artearekin, dibulgazioarekin eta eztabaidarekin duen konpromisoa islatu nahi du, azaldu dutenez.
Maria Jose Telleria Kultur diputatuak eta Koldo Mitxelena Kulturuneko zuzendariak aurkeztu dituzte web berria eta KMK marka. Bertan izan dira TGAko Nagore Garcia (irudiaren sortzailea) eta ZYLKko Cesar Capillas eta Bogdan Berghie (web orriaren diseinatzaileak) ere.
Telleriaren ustez, «marka eta web orria berrituz argi utzi nahi da Koldo Mitxelena Kulturuneak hemen jarraitzen duela, zerbitzuak ematen eta inoiz baino eskuragarriago izaten. Funts eta edukiekin 30 urtez egindako lan garrantzitsu batetik abiatzen gara».
Web berria
Aldaketaren helburua webgune «hurbilagoa eta errazagoa» egitea dela eta irudi berri bat sortzeak publiko gazteago batengana hurbiltzeko bidea irekitzea espero dutela ere esan du.
Web orri berria ZYLKk birdiseinatu du. Azaldu dutenez, esperientzia intuitiboa eta erabilerraza diseinatzen ahalegindu dira, erabiltzaileekin interakzioa bultzatuz. Gainera, webgune berriak lehen zeuden biak integratzen ditu: KMKrena eta Liburutegiko katalogoarena.
Bertan, erabiltzaileek KMKko programa, ekitaldi eta erakusketei buruzko informazioa topatu ahalko dute. Plataformak streaming-eko material ugari ere baditu eskura eta horiek eskuratzeko aukera ematen die erabiltzaileei edozein lekutatik eta edozein unetan.
Pradales invita a Muguruza a un debate «honesto» tras la polémica por su actuación en Martutene
Alex Txikon regresa al Himalaya con el objetivo de hollar la cima del Annapurna en invierno
Asiron confía en alcanzar el máximo consenso en torno a Los Caídos pese a las discrepancias
Modifican el memorial de Bilbo para denunciar que Cabacas fue «asesinado por la Ertzaintza»
