Ainhoa Barbarin Iurrebaso urretxuarrak espetxera itzuli behar izan du, Auzitegi Nazional espainiarreko Espetxe Zaintzako Epaitegi Zentralak Fiskaltzaren helegitea aintzat hartu eta hirugarren gradua atzera bota ondoren, Etxeratek ohar batean jakinarazi duenez. Martuteneko kartzelara bueltatu da.
🟢📌 Ainhoa Barbarin Iurrebaso preso urretxuarra Martuteneko espetxera bueltatu da, Auzitegi Nazionaleko (AN) Espetxe Zaintzako Epaitegi Zentralak bigarren gradura itzuli ondoren#etxera #EtxerakoBideanOztoporikEz
— Etxerat Elkartea (@EtxeratElkartea) February 22, 2023
Oharra 👇https://t.co/U7kez34ZhW
Ainhoa Barbarin hirugarren graduan zegoen 2022ko urritik, Martuteneko kartzelako tratamendu batzordeak horrela proposatu ostean, Lakuako Gobernuko Justizia Sailaren erabakiaren ondorioz.
2021eko apirilean Picassenteko espetxetik (600 kilometrora) Euskal Herrira hurbildu zuten. 21 urte daramatza espetxean urretxuarrak eta datorren urtean zigorraren hiru laurdenak beteko ditu.
Azkenaldian hirugarren graduen kontrako helegite ugari izan dira Auzitegi Nazional espainolean, Fiskaltzak sistematikoki errekurritzen baititu. Berriki Asier Karrera etxarriarrari eta Asier Rodriguez santurtziarrari indargabetu diete hirugarren gradua, eta haiek ere kartzelara itzuli behar izan dute.
«No se hunde la oferta, cada vez se firman más alquileres temporales fraudulentos»
«Tenemos 58 personas saliendo de prisión cada día, hay que fortalecer Harrera»
Afari solidarioen aurka egin zutenen aurrean, «faxistak kanpora» oihuak Donostian
El caso Cabacas, «insuficientemente clarificado» según el memorial inaugurado en Bilbo
