![Hego Euskal Herriko etxebizitzen prezioa %6,9 igo zen batez beste 2022an.](/media/asset_publics/resources/000/980/866/article_main_landscape/etxebizitza.jpg)
2022an nabarmen hazi zen Etxebizitzaren Prezioaren Indizea Hego Euskal Herrian, 2007tik izan den igoerarik handiena, Estatistikako Institutu espainiarrak (INE) asteazken honetan argitaratutako datuen arabera.
Araba, Bizkaia eta Gipuzkoan %6,4 garestitu zen batez beste; 2018an %5,4ko igoera izan zenetik aldakuntzarik handiena da. Nafarroan, aldiz, %7,3koa izan da igoera; azken urteotako aldaketarik handiena 2019an izan zen, indizea batez beste %3,8 igo zenean.
Motaren arabera, etxebizitza berrien prezioaren indizea %6,8 inguru igo zen iaz. Bigarren eskuko etxebizitzen prezioa, aldiz, %7,4 igo zen Nafarroan eta %6,3 gainerako hiru herrialdeetan.
Bestalde, iazko laugarren hiruhilekoan Araba, Bizkaia eta Gipuzkoako Etxebizitzaren Prezioaren indizea %1,6 jaitsi zen. Nafarroan, aldiz, %0,7 igo zen, Estatu espainoleko bigarren igoerarik handiena.
2022ko urritik abendura bitartean, Hego Euskal Herriko etxebizitzen prezioak nabarmen igo ziren 2021eko aldi berearekin alderatuta, Estatuko %5,5ko batez besteko igoeren gainetik. Hazkunderik handiena Nafarroan izan zen, %7,2koa; Araba, Bizkaia eta Gipuzkoan, berriz, %4,9ko aldea izan zen.
Oro har Estatu espainolean etxebizitzen prezioa %7,4 igo zen batez beste 2022an; 2007tik izandako igoerarik handiena da, orduan %9,8 garestitu baitzen.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![Moore](/media/asset_publics/resources/001/138/501/article_thumb_horizontal/moore.jpg)
Los 20 años de ‘Fahrenheit 9/11’, el máximo éxito de Michael Moore
![Gasteiz](/media/asset_publics/resources/001/140/870/article_thumb_horizontal/gasteiz.jpg)
Gasteizko Txosna Batzordeak txosnak jartzea erabaki du eta mobilizazioa deitu du abuztuaren 3an
![0729_eg_freixas(1)](/media/asset_publics/resources/001/141/247/article_thumb_horizontal/0729_eg_Freixas(1).jpg)