![Jorge Azanza zuzendaria, Euskaltel Euskadiren Itzuliko txirrindulariekin hizketan.](/media/asset_publics/resources/000/989/671/article_main_landscape/azanza.jpg)
Hiru hamarkada luze daramatza Javier Ares kazetaria espainarrak goi mailako txirrindularitzaren itzuli handienetan esatari gisa baina oraindik oso arrotz egiten zaio tropeletan sarritan erabiltzen den hizkuntza: euskara. Eta desesoro, haserre ez bada, ageri da Euskal Herriko Itzuliaren etapa batean, Euskaltel Euskadiko zuzendariak haren txirrindulariei aholkuak eta animoak beren berezko hizkuntzan eman dienean.
Hau da sare sozialetan bolo-bolo ibili den pasartea, Eurosport telebista-katearen zuzenekoan. Jorge Azanza taldeko zuzendariaren hitzekin hasten da:
Puedes pasarte a la F1, @javierares, y dices "hay que hablar en castellano" al conectar con Alonso en inglés. Si el problema es la traducción que @Eurosport_ES busque comentaristas políglotas. Solo falta que en la Euskal Itzulia los del Euskaltel hablen en lo que quieras tú. pic.twitter.com/XuojlJgo8C
— Jagoba Álvarez Ereño (@Jagospierre) April 8, 2023
«Esperimentu gisa ondo dago hau baina hobetu beharra dugu: gazteleraz hitz egin behar da ere, edo itzulpena egin», kritikatu du Aresek. «Euskara ikasteko ere egokia izan daiteke, norbaitek horretarako interesa badu», erantsi du, mespretxu nabariaz.
Erantzun asko jaso ditu Valladolideko kazetari aski ezagunak sare sozialetan. Gehienetan Euskal Herrian euskaldunen artean euskaraz aritzea gauza arrunta eta logikoa dela helarazi diote. Batzuk honelakoak ingelesez edo beste hizkuntza handi batez gertatu ezkero ez dutela inolako polemikarik eragiten oroitarazi dute. Eta zenbaitek «supremazista»tzat hartu dute bere jokabidea.
Javier Ares F1era pasako balute susto makala izango luke Fernando Alonso taldekideekin ingelesez entzutean. Gaixoa
— Txiruliruli (@Txiruliruli2) April 8, 2023
Señor Ares respete usted el idioma de la afición más fiel y respetuosa del ciclismo. Mesedez ! Aski da
— inmaetxarri (@inmaetxarri) April 8, 2023
Los vascos que quieran, entre ellos hablan Euskera, porque es una herramienta para comunicarse. Sólo una mente supremacista se ofende por ello.
— iriondot (@iriondot) April 9, 2023
Hay ke traducir al cristiano!!!
— andoni urbistondo (@urbixxx) April 7, 2023
Polemika zalea da, bestalde, espainiar kazetaria, eta horren seinale Twitterren bere buruaren aurkezpen gisa darabilen mezua: «Ekaitza dabilenean, arranoek altuago egiten dute hegan».
Jose Maria Garciaren aginduetara hasi zen lanean irratian, itzuli handi hauen berri emanez, duela 35 urte inguru, nahiz eta gero honekin liskar handia izan zuen gero, auzitegira heldu zena.
Real Madrid TV abian jarri zutenetako bat bilakatu zen urte batzuk pasata, eta beste zenbait hedabidetatik pasa ostean Eurosporten jardun du 2018. urtetik orain arte.
Ibilbide luze honetan hau ez da euskal kirolari edota taldeekin Javier Aresek duen lehenengo talka. 2017. urtean Osasunak oharra kaleratu zuen orduan aurrelari gorritxoa zen Oriol Rieraren defentsan, Aresek mikrofonotik bere aurka gogor egin ostean, hitz hauekin: «Inork ez dio esan oso txarra dela eta pena ematen duela. Osasuna ez litzateke Lehenengo Mailan egon beharko».
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)