![Busturialdera ura eraman zuen tangaontzia, iaz Bermeon.](/media/asset_publics/resources/000/927/299/article_main_landscape/busturialdea.jpeg)
Bilbo-Bizkaia Ur Partzuergoak «funtsezkoak» ez diren jardueretan uraren erabilera mugatzen edo debekatzen hasteko eskatu die Busturialdeko 16 udalei, zonaldeak udan duen hornidura-arazo «historikoa» dela aipatuz. Jarduera horien artean daude kaleak garbitzea, lorategiak ureztatzea, igerilekuak betetzea eta autoak garbitzea.
Arazo hau iazko udan geratu zen agerian batez ere, lehorte handiko garaian. Ur-defizita arazo estrukturala da bertan, baina kudeaketa txarra eta pribatizaziorako joerak ere mahai gainean jarri zituen EH Bilduk.
Orduan, ur hornidura bermatzeko tangaontzi bat eraman zuten Bermeora. Zenbait polemika ere eragin zuen honek, besteak beste matxura bat eta ur kalitatearen inguruko zalantzak.
Orain berriz egoerari aurre egiteko beharrean dela esan du Bilbo-Bizkaiko Ur Partzuergoak. Eta hasteko, eskaera hori honako udalerri hauei helarazi zaie: Ajangiz, Arratzu, Bermeo, Busturia, Ea, Elantxobe, Gernika-Lumo, Forua, Gautegiz-Arteaga, Ibarrangelua, Kortezubi, Mendata, Mundaka, Murueta, Muxika eta Sukarrieta. Udalerri horietan 45.000 pertsona inguru bizi dira.
Beren jarduera-eremuan, «igerileku pribatuak betetzea eta birjartzea, lorategiak eta baratzeak ureztatzea, ibilgailuak eta espazio pribatuak (hala nola jolastokiak edo plazatxoak) garbitzea» debekatzeko eskatu zaie.
Gainera, Partzuergoak udalerri horietako biztanleei erantzukizunez jokatzen eskatu die, «eremu pribatuan zentzuzko erabilera egin dezaten eta funtsezkoak ez diren jardueretarako uraren kontsumoa mugatu dezaten».
20 milioiko inbertsioak
Partzuergoak aipatu duenez, nahiz eta 2022an eskualde horretako horniduraren kudeaketa bere gain hartu zuenetik 20 milioi euro inbertitu diren sistemak hobetzeko eta sareko ihesak ezabatzeko dozenaka jarduketatan, «hornidura-beharrak handiagoak dira oraindik ere zonaldean eskuragarri dagoena baino».
Partzuergoak gogorarazi du, ildo horretan, eskualdeak ez duela ura biltegiratzeko azpiegiturarik, eta horrek, uztailean euria egin arren, «ibaietan, akuiferoetan eta zundaketetan dagoen emaria zaintzea» eskatzen du.
Euskal Herrian iaz izandako lehortearen ondorioz, beharrezkoa izan zen eskualdea edateko urez hornitzeko eragiketa bat abian jartzea, abuztuaren 18tik Santurtziko eta Bermeoko portuen artean lan egin zuen zisterna-ontzi baten bidez. 2.000 metro kubikoko edukiera izan zuen, eta hornidura-sarearen presioa gaueko zero:00etatik goizaldeko 6:00etara murriztu egin zuten.
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)