Reala eta Gironaren arteko norgehiagoka hasi aurretik, denboraldiko lehen partida ofiziala, omenaldi xume eta hunkigarri batek hartu du indarra Donostian. ‘Bultzada Txuriurdina’ zale-taldearen ekimenez, abuztuaren 4an, auto istripuz bizia galdu zuen David Aranburu ‘Tximist’ donostiarrari azken agurra eman nahi izan diote Amaran. Bide batez, bere anaia Ion Aranbururi ere zuzendutako ekitaldia izan da, maiatzean Sorian faxistek jipoitu eta larri zauritu zuten realzalea, hain zuzen ere.
Denboraldi berria, berriro elkartzeko gogoak?
— Bultzada TxuriUrdina (@BultzadaTX) August 11, 2023
16:00etan TXIMISTi azken agurra!
2023/2024 denboraldia bertan da…🔥 pic.twitter.com/72SHyWZErE
«Tximistek urte askotan harmaila txuri-urdinarekin izan duen lotura azpimarratu nahi genuke», esan dute bere gertukoenek, ekimen hau aurrera ateratzeagatik ‘Bultzada’ taldearekin eskertuta daudela adieraztearekin batera. «Nerabezarotik Mujikako talde kide izanik, Atotxako garai ero eta basatiak bizi, Anoetako garai berrietara pasa eta gaur egungo Aitor Zabaletaraino», errepasatu dute Tximisten ibilbidea, beti ere bere bihotzeko taldea gertutik animatzeko.
Ion Aranburu errealzalearen aldeko ekitaldia, Anoetako partida hasi aurretik (2) #Erreala #Ionaranburu #faxistak pic.twitter.com/6d7Sr7CSmb
— Gotzon (@GotzonAr) August 12, 2023
«Hainbait bitxikeri, aldarrikapen eta kondaira igarotakoa. Ehundaka istorio barnean gordeko ditugunak; garaipenak, porrotak, algarak eta negarrak. Topa egin dezagun, beragaik, elkarrekin bizitakoengatik eta inoiz ahaztuko ez ditugunagatik. Agur eta ohore, lagun! Gora Antigua, gora Euskal Herria, gora Tximist!», adierazi dute, inguruan elkartu diren zale txuri-urdin eta gertukoenen txalo zaparradarekin.
Mikel Laboaren ‘Txoriak txori’, azken urteetan Anoetako harmailetan kasik ereserki bihurtu den abestiarekin, eta David Aranbururen familiari, tartean Ion anaia zela –makuluekin, Sorian jaso zuen eraso faxistaren ondorio gisara–, oroigarri bat banatuz eman zitzaion amaiera ekitaldi xume baina hunkigarriari.
Ion Aranburu errealzalearen aldeko ekitaldia, Anoetako partida hasi aurretik (3) #Erreala #Ionaranburu #faxistak pic.twitter.com/L7UZMTlppM
— Gotzon (@GotzonAr) August 12, 2023
Cien años del primer muerto en el recorrido del encierro y algo de porno
Dos bestazales violentamente atacadas por defender a un hombre de una agresión
‘Belak mastara eta euskara plazara’ aldarriarekin ospatuko dute Donostiako Piratek Aste Nagusia
El donostiarra Xabier Atristain queda en libertad condicional tras 13 años preso
