![Gizon bat euriteek utzitako zaborra garbitzen Volosen, astearte honetan.](/media/asset_publics/resources/001/031/067/article_main_landscape/volos_lluvia.jpg)
Suteetatik euriteetara igaro da Grezia astearte honetan ‘Daniel’ ekaitza dela eta. Bereziki erdialdean eragina izan du; 70 urteko gizon bat hil da eta beste pertsona baten bila ari dira. Baso-suteei eusteko lagungarria izan da, aldiz.
Volos hirian, kaltetuenetako batean, topatu dute 70 urteko abeltzain bat hilda, lur irristatze baten ondorioz eraitsitako horma batek azpian harrapatuta. Bilatzen ari diren pertsona ustez ur-korronte batek eramandako gizon bat da, ERT telebista kateak aipatutako suhiltzaileen bozeramaile baten arabera.
Agintariek ibilgailuen zirkulazioa debekatu dute gune batzuetan, eta gomendio orokorra arriskuak saihestea da. Larrialdi zerbitzuek funtsezkoak ez diren mugimenduak murrizteko eskatu diete Volos, Tesalonika, Laria, Eubea eta Kateriniko biztanleei.
Kyriakos Mitsotakis Greziako lehen ministroak Katerina Sakellaropoulou presidentearekin egindako bileran aitortu duenez, «oso zaila» da horrelako denborale bati aurre egitea herritarren laguntzarik gabe.
Azaldu duenez, Greziak «muturreko» fenomeno bati aurre egin behar dio eta, beraz, lehen ministroarentzat funtsezkoa da pertsona guztiek Babes Zibilak egoeraren bilakaeraren arabera ezartzen dituen jarraibideei jarraitzea.
Meteorologoek iragarri dute baldintza klimatologikoek zailak izaten jarraituko dutela datorren ostegunera arte, eta arreta berezia jarriko dute Greziako erdialdean eta Peloponeso penintsulan, herrialdearen egoaldean, gerta daitekeenagatik.
![0908_eko_mecaner](/media/asset_publics/resources/001/152/879/article_thumb_horizontal/0908_eko_mecaner.jpg)
La lucha de GKN inspira el proceso de transición ecosocial en Mecaner
![Naiznandocruzh](/media/asset_publics/resources/001/153/253/article_thumb_horizontal/NAIZnandocruzH.jpeg)
«El capitalismo ha engullido los festivales con voracidad fulminante»
![Arnaldo](/media/asset_publics/resources/001/153/497/article_thumb_horizontal/arnaldo.png)
UPN coloca una pistola a Arnaldo Otegi en un fotomontaje y luego lo retira
![Apartamentos_pamplona](/media/asset_publics/resources/001/154/001/article_thumb_horizontal/apartamentos_pamplona.jpg)
EH Bildu, PSN, Geroa Bai y Contigo-Zurekin no permitirán más pisos turísticos en Alde Zaharra
![Vinicio](/media/asset_publics/resources/001/154/378/article_thumb_horizontal/vinicio.jpg)