![Gutxienez 3.800 hildako utzi ditu uholdeak Libian.](/media/asset_publics/resources/001/036/912/article_main_landscape/0926_mun_libia.jpg)
Libiako fiskal nagusiak herrialde horretako zortzi arduradun behin-behinean atxilotzeko agindua eman du, irailaren 10ean Dernako uholde ikaragarriak bi presaren kolapsoagatik egindako ikerketa baten baitan.
Zazpik baliabide hidraulikoen sailean edo Libiako presak kudeatzeko sailean erantzukizun handiko postuak betetzen dituzte edo bete zituzten. Susmagarriak dira, besteak beste, «kudeaketa txarra» eta «zabarkeria» karguengatik, fiskalaren bulegoak ohar batean zehaztu duenez.
Behin-behineko atxiloketaren aginduaren parte da Dernako alkatea ere, Abdulmonem Al Ghaithi. Bere funtzioetatik kendu zuten gainerako udal-kontseiluarekin batera ezbeharraren ondoren.
Daniel ekaitzak eragindako uholdeek 3.800 hildako baino gehiago eragin zituzten Libiako ekialdean. Osasun Ministerioak lurperatutako eta erregistratutako gorpuak bakarrik sartzen dira kopuru horretan. Ez dira zenbatu gertatu eta gutxira biztanleek beraiek hobiratu zituztenak. Nazioarteko agintariek eta erakunde humanitarioek 10.000 desagertu baino gehiago egon daitezkeela kalkulatu dute.
Al Seddik Al Sour Libiako fiskal nagusiak irailaren 15ean iragarri zuen uoldeen inguruko ikerketa abiatuko zuela. Bere ustez, Libiako presen zuzendaritzak pitzadurak seinalatu zituen bi presetan 1998tik, baina ez zen inolako neurririk hartu.
Joan den irailaren 18an egunka pertsonek manifestazioa egin zuten Al Sahabako meskitaren aurrean, Dernako erdigunean, agintarien aurka. Libia bateratzea eskatu zuten ere, mendebaldean Batasun Nazionaleko Gobernuaren eta ekialdean Gobernu paralelo baten artean banatuta baitago, Jalifa Haftar mariskalak militarki kontrolatuta.
![Bidasoa-irla](/media/asset_publics/resources/001/142/169/article_thumb_horizontal/bidasoa-irla.jpg)
Traspaso de poderes en el condominio más pequeño del mundo, la Isla de los Faisanes
![Putin](/media/asset_publics/resources/001/142/722/article_thumb_horizontal/putin.jpg)
Pablo González, libre tras dos años y medio sin pruebas en contra ni juicio
![Palestinarrak-paris](/media/asset_publics/resources/001/142/420/article_thumb_horizontal/palestinarrak-paris.jpg)
Electos de Maule ceden parte de su asignación para apoyar a los atletas olímpicos palestinos
![Lizarra](/media/asset_publics/resources/001/142/865/article_thumb_horizontal/lizarra.jpg)
La fiesta en Lizarra arranca con represión a un cantante, cohete dividido y Bajadica suspendida
![Policia](/media/asset_publics/resources/001/142/734/article_thumb_horizontal/policia.jpg)