Ohar baten bidez, Stop Desahucios elkarteak pozik agertu da irailean haibat udalerritan etxebizitzen alokairuaren prezio garestiengatik tentsioan dauden eremuak izendatzearen alde onartutako mozioekin.
Bizkaian, kaleratzeen aurkako plataformak onartutako mozioa irailaren 28ko osoko bilkuran onartu zen, Portugaleten, PSE, EAJ, EH Bildu eta Elkarrekin Podemosen aldeko botoekin, eta PPren aurkako botoarekin.
Egun horretan bertan, Bilboko, Barakaldoko eta Getxoko osoko bilkuretan ere mozioa onartu zen, baina EAJren eta PSEren gobernu-taldeek zenbait aldaketa egin zituzten.
Gipuzkoan, Lasarte-Oria, Hernani, Pasaia, Zumarraga, Andoain eta Ordiziako osoko bilkuretan onartu dute mozioa, PSE, EH Bildu eta Elkarrekin Podemosen aldeko botoei esker. EAJ eta PP abstenitu egin dira.
Udalerri horiek Donostiarekin, Eibarrekin, Errenteriarekin eta Irunekin bat egin dute. Lau hauetan uztailean onartu zituzten mozioak.
Urrian mozioa Arrasate, Gasteiz, Tolosa, Beasain, Basauri eta Santurtziko osoko bilkuretan eztabaidatzea aurreikusten da.
«Egoera lazgarri honetan, ezinbestekoa da alokairuen prezioak mugatzea eta amaitutako kontratuak hiru urtez luzatzea. Era berean, hutsik dauden etxebizitzak mobilizatu behar dira Euskal Etxebizitzaren Legearen kanona aplikatuz, pisu turistikoak kontrolatuz eta mugatuz eta alokairu sozialeko etxebizitzen parke publikoa handituz», adierazi du Stop Desahuciosek.
«La ministra Robles me dijo que pasemos página, que nos olvidemos del ‘caso Almería’»
«Hay que aprovechar los momentos políticos favorables para la denuncia de la tortura»
Fallece Antxon Lafont, empresario soberanista, mecenas y «peatón» en GARA
Donostia colocará una placa por Mikel Zabalza a las puertas del cuartel de Intxaurrondo
