Aste honetan bertan eman du Donostiako Udalak Basque Culinary Centerreko eraikin berria eraikitzeko lanetarako baimena, baina honek ez du egitasmo honen aurkako mugimendua geldiarazi. Aurretik iragarrita zegoen mobilizazioa burutu dute, Gros auzotik atera eta Udaletxera helduz, Manteo-Zemoria parkeen defentsan.
Egitasmoa bertan behera uzteko aldarrikapena entzunarazi diote Eneko Goia alkateari, ibilbide osoan txistuei zarata ateratzen ibili baitira ehunka partehartzaileak.
Honelako mobilizazio ugari burutu dituzte azken hilabeteotan, baina hau lehena da lanetarako baimena onartu denetik. Bultzatzaileen asmoa lanak azaroan abiatzea da. Horrekin orain erabilera publikoa duen gune berdea desagertuko litzateke.
Greenpeace erakundeak atxekimendua eman die ostiral honetan BCCren eraikin berria toki horretan ezartzearen aurka dauden erakundeei. SOS Manteo izeneko plataforma ari da protesta hauek bultzatzen, Uliako Auzo Elkartearekin batera.
Los espacios verdes son imprescindibles para adaptar las ciudades al cambio climático, y por eso creemos que debería protegerse el espacio de Manteo y buscar una alternativa para el GOe. Apoyamos a las vecinas y la plataforma @SOSmanteo pic.twitter.com/uvSA1vreq0
— Greenpeace Euskadi (@GreenpeaceEUS) October 5, 2023
Sukaldariz jantzita egin dute ibilbidea partehartzaileetako batzuk, honekin BCCri ere interpelazio zuzena eginez. Eraikin hori hiriko beste lekuren batean jar daitekeela argudiatzen dute Gros eta Uliako auzokide hauek, jada populazio eta trafiko handia biltzen duen eremuan beste azpiegitura oso handia ezartzea saihestuz.
Cien años del primer muerto en el recorrido del encierro y algo de porno
Dos bestazales violentamente atacadas por defender a un hombre de una agresión
‘Belak mastara eta euskara plazara’ aldarriarekin ospatuko dute Donostiako Piratek Aste Nagusia
El donostiarra Xabier Atristain queda en libertad condicional tras 13 años preso
