Geltokik proiektu bat jarriko du abian, «gauzateka» edo gauzen liburutegia, larunbat honetatik aurrera, urriak 28, Iruñeko autobus geltoki zaharrean dagoen kultur gunean kokatua. Zentroak takiletako bat eskainiko du etengabe, «gauzak» aldi baterako maileguan emateko; batez ere, brikolajearekin eta lorezaintzarekin, etxearekin, garbiketarekin, aisiarekin eta abenturarekin, edo osasunarekin, hazkuntzarekin eta zaintzarekin lotutako etxeko tresna eta objektu oso espezifikoak eta noizbehinkakoak edo gutxitan erabiltzekoak. Geltokik, zerbitzua abian jartzeko, Nafarroako Gobernuko Gizarte Eskubide, Gizarte Ekonomia eta Enplegu Departamentuaren kofinantzaketa du.


‘Erosi beharrean, erabili’ lelopean, Trastoteka ondasunak eta baliabideak modu partekatuan erabil daitezen sustatzeko pentsatuta dago, ekoizpen eta kontsumo mailak murrizteko, erosteko beharra ezabatuz eta, gainera, herritar guztiak haietara iristea bermatuz. Honen bidez, zentroak honako helburua du: haren funtzionamendua, «produktuak erostean oinarritutako ekonomiatik zerbitzu ematean, lankidetzan eta zirkularrean oinarritutako ekonomia eredu transformatzailea izatea».
 
Zerbitzuaren oinarrizko ezaugarriak

Zerbitzuak liburutegien antzera funtzionatzen du, baina kasu honetan liburuen ordez gauzak hartu hal izanen dira. Maileguek astebete iraunen dute eta, oro har, euro bat eta hiru euro arteko prezio sinbolikoa izanen dute aste eta objektu bakoitzeko. Urteko 20 euroko tarifa finkoa ere ordaindu ahal izanen da, denbora horretan katalogatutako objektu guztiak eskuratu ahal izateko. Trastoteka irabazi asmorik gabeko proiektua da, eta maileguen bidez lortzen diren funtsak oso-osorik erabiltzen dira emandako objektuak garbitzeko, prest jartzeko eta, beharrezkoa bada, konpontzeko.

Gunea, astearte eta ostegunetan, 17:00etatik 20:00etara egongo da irekita publikoari, eta larunbatetan, 11:00etatik 14:00etara. Geltokitik Trastroteka hartzen duen espazio fisikoa bisitatzeko aukera izateaz gain, web orri bat prestatu da. Horren bidez, haren funtzionamenduari buruzko informazio gehiago eskuratu ahal izango da, eta objektuen katalogoa ere kontsultatu ahal izango da, eta kontsultaren unean maileguan edo aldi baterako maileguan hartzeko moduan dauden jakin ahal izango da.
 
Mikrofinantziazio prozesua eta objektuen dohaintza

Datorren larunbatetik aurrera erabilgarri egongo den arren espazioa, zentroak datozen egunetan interesgarritzat jotzen diren eta oraindik katalogoan eskuragarri ez dauden objektu edo artikulu batzuk hornitzeko prozesua jarriko du abian. Horretarako, herritarrei dei egingo zaie objektu zehatz horiek emateko eta, gainera, finantzaketa prozesu bat jarriko da abian, objektu horiek erosteko funtsak lortzeko crowdfunding edo mikrofinantzaketa prozesu kolektibo baten bidez. Laster emango dute horren berri.