Ekialde Hurbileko Palestinar Iheslariei Laguntzeko Nazio Batuen Agentziak (URNWA) edateko ura eman die Gazako iparraldeko herritarrei, lehen aldiz 50 eguneko bonbardaketen ondoren.

Agentziaren konboiak eremuaren iparraldera iritsi dira eta, Palestinako Ilargi Gorriarekin batera, elikagaiak, edateko ura, kanpin-dendak eta berebiziko garrantzia duten hornidura medikoak eraman dituzte igandetik, agentziak astelehen honetan X bidez (Twitter zaharra) zabaldutako mezu batean adierazi duenez.

Ildo horretatik, «Gazako iparraldean gerra hasi zenetik, edateko ura errefuxiatua dagoen jendearengana iristen den lehen aldia da», adierazi du. Israelgo Armadaren bonbardaketek eta erasoaldiek gehien kaltetutako eremua da.

«Palestinako Ilargi Gorriko taldeek arrakastaz lortu dute 150 kamioitan laguntza humanitarioa eramatea», zehaztu du UNRWAk.

Israelek Gazako Zerrendaren aurka egindako bobardaketek 15.000 hildako baino gehiago utzi dituzte momentuz, horien artean 6.150 haur eta 4.000 emakume baino gehiago, eta 200 palestinar baino gehiago hil dira Zisjordanian eta Jerusalem ekialdean Israelen mendekua hasi zenetik. Gainera, zaurituak 36.000 inguru dira eta desagertuta dauden pertsonak 7.000.

Yesterday, our aid convoys reached areas in the north of 📍#GazaStrip @UN agencies & @PalestineRCS delivered ready-to-eat food, tents, water & urgent medical supplies.

This was the first delivery of clean water that reached people sheltering in the north since the war began. pic.twitter.com/mTURaddjFH

— UNRWA (@UNRWA) November 27, 2023